Asemmisa Afã

● Hena na ɛsɛ sɛ ne nsa ka Yɛn Ahenni Som no bi?

Wɔasiesie Yɛn Ahenni Som no na ɛde mmoa ne nkuranhyɛ ama wɔn a wonya asɛnka adwuma no mu kyɛfa. Enti ɛnyɛ nea wɔkyekyɛ ma obiara. Ɛsɛ sɛ adawurubɔfo a wɔagye asubɔ ne wɔn a wɔne yɛn bɔ a wɔagye wɔn atom nyinaa nsa ka bi. Ɛsɛ sɛ wɔn a wɔba Ɔsom Nhyiam daa a wɔrenya nkɔso akodu asɛnka adwuma no mu kyɛfa a wobenya ho no nso nya bi. Monhwɛ sɛ mode biako bɛto Ahenni Asa no so nhomakorabea hɔ. Ɛnsɛ sɛ wɔma nnipa a wɔatu wɔn Yɛn Ahenni Som no bi.

Asafo ahorow binom ahu sɛ eye sɛ wɔbɛkyerɛw wɔn a wɔfata sɛ wonya bi no nyinaa din na afei wɔakyekyɛ din no mu sɛnea Asafo Nhoma Adesua akuw horow a wɔwɔ no te. Adesua so ahwɛfo no betumi de din yi adi dwuma de akyekyɛ na ebi mpo a wɔakyerɛw obiara din wɔ ne de so fɛfɛɛfɛ. Ɛsɛ sɛ obiara a ne nsa ka Yɛn Ahenni Som no bi no hwɛ so yiye na ɔde siesie ne ho ma Ɔsom Nhyiam ne asɛnka. Nnipa pii ahu sɛ eye sɛ wɔde Yɛn Ahenni Som a ɛba no biara bi besie wɔ wɔn ankasa teokrase nhomakorabea a wɔwɔ no na wɔde adi dwuma akyiri yi.