Asram Atitiriw Asɛnka Adwuma
1 So December ne January betumi ayɛ asram atitiriw asɛnka adwuma ama wo? Akwamma pii wɔ saa asram no mu ma adwumayɛfo ne sukuufo. Sɛ woyere wo ho kakraa bi a, wubetumi ayɛ asɛnka adwuma kɛse a ɔmantam nhyiam no mfa ho.
2 Adawurubɔfo nkumaa a wɔabɔ wɔn asu no mu binom benya nna afoforo a wɔmfa nkɔ sukuu na wɔbɛpɛ sɛ wɔyɛ akwampaefo aboafo wɔ asram yi mu. Hwɛ nkuranhyɛ ara a wobenya sɛ wɔne mpanyimfo, asomfo, ne adawurubɔfo afoforo bɛyɛ adwuma wɔ asɛnka mu! Sɛ wo nsɛm tebea remma wo kwan mma wonyɛ ɔkwampaefo wɔ asram yi biara mu a, so wubetumi ne wɔn a wɔreyɛ akwampae adwuma no ayɛ asɛnka adwuma nnɔnhwerew kakraa bi aka ho? Ɛda adi sɛ eyi bɛhyɛ mo nyinaa nkuran.
3 Nokwarem no, sɛ adawurubɔfo no nyinaa bɔ mmɔden a, ebia mpanyimfo no betumi ayɛ kuw adansedi ho nhyehyɛe da biara wɔ nnapɔnna nna no biara mu gye sɛ nhyiam bere no nkutoo mu.
4 Mprempren yi ne bere a ɛsɛ sɛ ankorankoro ne mmusua ne afei asafo no nyinaa yɛ nhyehyɛe de nnapɔnna asram no yɛ asram atitiriw ma asɛnka adwuma wɔ mo asafo no mu.