Mmoa a Ɛbɛma Yɛadi Da Biara Nsɛnnennen So

Nnipa pii ani gyei bere a wɔn nsa kaa Happiness​—How to Find It nhoma no wɔ “Onyankopɔn Dɔ” Ɔmantam Nhyiam a wɔyɛe wɔ 1980 mu ase no. Bere a ɔdawurubɔfo bi reka nhoma yi so mfaso ho asɛm no, ɔkae sɛ: “Ɛbae wɔ bere a ɛsɛ mu efisɛ nnipa a wɔte ase nnɛ no pii ani nnye nyamesom nkyerɛkyerɛ ho te sɛ hu a wobehu nea ɔbɔɔ yɛn, nea enti a yɛte nkwa mu, ne sɛnea yebetumi adi da biara nsɛnnennen ho dwuma no.” Efi May 9, 1994 no, yɛbɛsan asua nhoma fɛfɛ yi wɔ Asafo Nhoma Adesua ase. Siesie wo ho yiye, na kɔ adesua no daa na ama woatumi anya mmoa a ɛbɛma woadi wo da biara nsɛnnennen so.

Esiane sɛ nhoma no nni yɛn man yi mu kasa horow mu nti, ɛsɛ sɛ asafo ahorow no yɛ nhyehyɛe ma nhoma asekyerɛfo a wɔbɔ mmɔden yiye kyerɛ ase. Wɔmma kwan sɛ wɔbɛkenken akyerɛ ase bere koro no ara mu.