Teokrase Nsɛmmansɛmma

Liberia: Wɔsan buee baa dwumadibea a ɛwɔ Monrovia a esiane ɔmanko nti wɔtoo mu asram 15 no September 1. Wɔbɔɔ adawurubɔfo dodow nkɔanim a ɛsen biara 1,977 ho amanneɛ wɔ September mu.

Mozambique: Wonyaa adawurubɔfo dodow nkɔanim foforo 28,005 wɔ September mu. Ná dodow nkɔanim dedaw no yɛ 25,790 wɔ May 1975 mu, enti eyi yɛ nkɔanim titiriw wɔ Mozambiquefo teokrase abakɔsɛm mu.

Nepal: Wonyaa adawurubɔfo dodow nkɔanim foforo 306 wɔ September mu. Mprempren wɔreyɛ Bible adesua horow bɛyɛ 500.

St. Helena: Wɔmaa ofi biara a ɛwɔ saa supɔw yi so Ahenni Asɛm a Ɛto so 35 no bi.

Aman pii de adawurubɔfo dodow nkɔanim foforo a ɛsen afe a etwaam no de so ɔha biara mu nkyem 5 na efii ɔsom afe no ase: Hong Kong, 4,230; Madagascar, 8,749 (a daa akwampaefo dodow 912 ka ho); Taiwan, 3,497.