Nkaebɔ Ahorow
◼ Nhoma a yɛde bɛma October: Momfa Ɔwɛn-Aban ne Awake! nsɛmma nhoma no mma. Baabi a wɔbɛkyerɛ ho anigye no, momfa Monkɔ so Nwɛn! nhomawa no mma wɔn. November: Yɛde Suasua Ɔkyerɛkyerɛfo Kɛse No nhoma no bɛma. Baabi a afiewuranom bɛka sɛ wonni mma no, momfa So Wobɛpɛ sɛ Wuhu Pii Fa Bible no Ho? kratawa anaa kratawa foforo a ɛfata mma wɔn. December: Onipa a Ɔsen Biara a Watra Ase Pɛn. Mubetumi de The Bible—God’s Word or Man’s?, Me Nhoma a Ɛka Bible Mu Nsɛm anaa Wubetumi Atra Ase Daa wɔ Paradise wɔ Asase So a mo asafo no wɔ bi nso ama. January: Mubetumi de nhoma biara a ekura nkratafa 192 a wotintimii wɔ krataa a etumi dodow so anaa wotintimii ansa na afe 1991 reba a mo asafo no wɔ bi ama.
◼ Esiane sɛ dapɛn awiei anum na ɛwɔ December mu nti, ɛyɛ bere pa a yebetumi de ayɛ akwampaefo aboafo adwuma.
◼ Krataa a ɛhyɛ Yɛn Ahenni Som yi mu no yɛ “Teokrase Ɔsom Sukuu Dwumadi Nhyehyɛe Ma Afe 2007,” na ɛsɛ sɛ wode sie na wode adi dwuma wɔ afe 2007 nyinaa mu.
◼ Wɔbɛma afe 2007 Nkaedi bere mu ɔkasa titiriw no Kwasida, April 15, 2007. Yɛde ɔkasa no asɛmti no bɛma akyiri yi. Asafo horow a wɔn ɔmansin sohwɛfo bɛba abɛsra wɔn, anaasɛ wɔbɛyɛ ɔmansin nhyiam saa dapɛn no awiei no bɛma ɔkasa titiriw no dapɛn a edi hɔ no. Ɛnsɛ sɛ asafo biara ma ɔkasa titiriw no ansa na Kwasida, April 15, 2007 adu.
◼ Yebesusuw No Blood—Medicine Meets the Challenge video no ho wɔ January Ɔsom Nhyiam ase. Sɛ wuhia DVD ne video kasɛt no bi a, ɛsɛ sɛ wofa asafo a wowom so kra bi ntɛm ara.
◼ MONHYƐ NO NSOW: Asɛm a ɛne “Aware a Nidi Wom wɔ Onyankopɔn ne Nnipa Anim” wɔ October 15 2006, Ɔwɛn-Aban mu. Aware a nkyekyɛm 14 no ka ho asɛm no fa yɛn man yi nso ho. Kasamu abiɛsa a etwa to wɔ nkyekyɛm 14 wɔ yɛn man yi mu kasa mu no nni nea wɔatintim ama aman a mmara mma kwan sɛ wɔbɛware wɔ saa kwan no so no mu. Sɛ nhwɛso no, wotintim Borɔfo Ɔwɛn-Aban no fi Britain na ɛbrɛ yɛn. Enti, sɛ moreyɛ Ɔwɛn-Aban adesua no na sɛ wukura Borɔfo de no bi a, yɛsrɛ sɛ fa asɛm a edi so yi ka nkyekyɛm 14 a ɛwɔ kratafa 22 no ho sɛnea ɛbɛyɛ a nea yɛde di dwuma wɔ yɛn man yi mu nyinaa mu nsɛm bɛyɛ biako:
“Sɛ Kristofo baanu di kan ware wɔ amanne kwan so, na ɛno akyi no wɔpaw sɛ wɔbɛware wɔ aban mmara mu wɔ aban nanmusifo a ogye aware dwumadibea (a ɛnyɛ Ahenni Asa so) a, ɛyɛ wɔn ankasa asɛm. Ɛnyɛ ayeforo a wɔbɛsan ayɛ wɔ aban mmara mu no na ɛbɛma aware no adi mu. Ɛho renhia sɛ wɔma aware ho ɔkasa anaa wɔto ho pon.”