Nea Yɛbɛka Afa Yɛn Nsɛmma Nhoma Ho

Ɔwɛn-Aban January 1

“Wususuw sɛ sɛnea abɔde a atwa yɛn ho ahyia resɛe no haw Onyankopɔn? [Twɛn ma ommua. Afei kenkan Adiyisɛm 11:18.] Nsɛmma nhoma yi nam Kyerɛwnsɛm no so ma yehu nea enti a yɛhwɛ kwan sɛ asase no bɛyɛ yiye daakye no.” Fa asɛm a ɛwɔ kratafa 18 no kyerɛ no.

Awake! February

“Wɔ nnipa pii fam no, sɛ wohyia ɔhaw a, wosusuw sɛ Onyankopɔn na ɔretwe wɔn aso. So woate nka saa pɛn? [Twɛn ma ommua. Afei kenkan Yakobo 1:13.] Nsɛmma nhoma yi ma yehu baabi a yɛn haw fi ankasa ne nea enti a yebetumi anya awerɛhyem sɛ ɛrenkyɛ yɛn brɛ nyinaa to betwa.” Fa asɛm a ɛwɔ kratafa 28 no kyerɛ no.

Ɔwɛn-Aban February 1

“Wususuw sɛ Onyankopɔn gye ɔsom nyinaa tom? [Twɛn ma ommua.] Hyɛ nea Yesu kae wɔ asɛm yi ho no nsow. [Kenkan Mateo 15:8, 9.] Nsɛmma nhoma yi ma yehu sɛ Onyankopɔn gye ɔsom nyinaa tom anaa onye ntom.” Fa asɛm a ɛwɔ kratafa 9 no kyerɛ no.

Awake! February

“Asase so biribiara kyerɛ sɛ wɔbɔe sɛ nkwa ntena so. Wususuw sɛ eyinom bae ara kwa, anaa Ɔbɔadeɛ bi na ɔyɛe? [Twɛn ma ommua.] Nnipa pii gye Bible mu asɛm yi tom. [Kenkan Dwom 104:24.] Nsɛmma nhoma yi de abɔde mu nyansahu ne Kyerɛwnsɛm mu adanse ahorow ma de kyerɛ sɛ Ɔbɔadeɛ bi wɔ hɔ.”