Nea Yɛbɛka Afa Yɛn Nsɛmma Nhoma Ho

The Watchtower November 1

“Ɛda adi sɛ mmusua rehyia nsɛnnennen pii nnɛ. Wususuw sɛ sɛ abusua no muni biara suasua Yesu su a wɔaka ho asɛm wɔ Mateo 20:28 yi a, ɛbɛka wɔn dɛn? [Kenkan. Afei twɛn ma ommua.] Nsɛmma nhoma yi ma yehu nneɛma anum a yebetumi asua afi Yesu nhwɛso mu.” Fa asɛm a ɛwɔ kratafa 16 no kyerɛ no.

Awake! November

“So nyamesom ma yenya ɔdɔ ne asomdwoe, anaasɛ ɛhyɛ nitan ne basabasayɛ ho nkuran? [Twɛn ma ommua.] Ɛkame ayɛ sɛ nnipa pii mfa Yesu asɛm yi nni dwuma. [Kenkan Mateo 5:44, 45.] Nsɛmma nhoma yi ma yenya asɛmmisa a edi so yi ho mmuae: So obi betumi adɔ n’atamfo ma ayɛ yiye?” Fa asɛm a ɛwɔ kratafa 10 no kyerɛ no.

The Watchtower December 1

“Wususuw sɛ bere bi bɛba a Onyankopɔn bɛma amanehunu a nnipa refa mu no aba awiei? [Twɛn ma ommua.] Hyɛ Bible mu bɔhyɛ a ɛma yenya anidaso yi nsow. [Kenkan kyerɛw nsɛm a ɛwɔ adaka a ɛwɔ kratafa 7 no mu biako.] Nsɛmma nhoma yi ma yehu sɛnea Onyankopɔn bɛma amanehunu nyinaa aba awiei ne bere a ɔbɛyɛ saa no.”

Awake! December

“Nnipa binom gye di sɛ wɔbɔɔ amansan yi, na afoforo nso susuw sɛ ɛbae ara kwa a enni atirimpɔw biara. Wudwen ho dɛn? [Twɛn ma ommua.] Hwɛ nea Bible ka fa asɛm yi ho. [Kenkan Hebrifo 3:4.] Nsɛmma nhoma yi kyerɛkyerɛ nea ɛyɛe a amansan yi bae ne nea enti a ɛbae no mu.”