Nea Yɛbɛka Afa Yɛn Nsɛmma Nhoma Ho

Ɔwɛn-Aban February 1

“Yɛn mu pii wɔ asɔre a yɛkɔ. Nanso wususuw sɛ ɔkwan a yɛfa so som Onyankopɔn no ho hia no? [Twɛn ma ommua. Afei kenkan Mateo 15:9.] Nsɛmma nhoma yi ma yehu nneɛma anan a Yesu daa no adi wɔ nokware som ho.” Fa asɛm a ɛwɔ kratafa 16 no kyerɛ no.

Awake! February

“Nnipa binom gye di sɛ Ɔbɔadeɛ bi wɔ hɔ, afoforo nso te nka sɛ saa gyidi no ne nyansahu nhyia na ntease biara nnim. Wususuw ho dɛn? [Twɛn ma ommua.] Sɛnea Bible kyerɛ no, nokware gyidi wɔ nnyinaso pa. [Kenkan Hebrifo 11:1.] Nsɛmma nhoma yi ma yehu adanse ahorow a ɛkyerɛ sɛ Ɔbɔadeɛ bi wɔ hɔ.” Fa asɛm a ɛwɔ kratafa 22 no kyerɛ no.

Ɔwɛn-Aban March 1

“So wubu Bible no sɛ Onyankopɔn Asɛm, anaa wususuw sɛ ɛyɛ nhoma pa bi kɛkɛ? [Twɛn ma ommua.] Tie nea Bible no ankasa ka. [Kenkan 2 Timoteo 3:16, 17.] Nsɛmma nhoma yi ka ɔkwan a wobɛfa so asi gyinae pa wɔ asɛm yi ho ne nea enti a ɛho hia sɛ woyɛ saa.”

Awake! March

“Nnipa pii ani gye abɔde a ɛyɛ fɛ ho, na minim sɛ wo nso w’ani gye ho. Wunnye ntom sɛ adwini fɛfɛ a ɛwɔ abɔde mu no da no adi sɛ onyansafo bi na ɔyɛe? [Twɛn ma ommua. Afei kenkan Dwom 104:24.] Nsɛmma nhoma yi ma yehu adwini ahorow a ɛwɔ abɔde mu ne nea eyi kyerɛ yɛn.”