Wɔredi adanse wɔ baabi a ɛbɛn Monrovia, Liberia

Nea Yebetumi Aka Wɔ Asɛnka Mu

●○○ NSRAHWƐ A EDI KAN

Asɛmmisa: Wohwɛ a Bible no so da so ara wɔ mfaso nnɛ?

Kyerɛwsɛm: 2Ti 3:16

Nsrahwɛ a Edi Hɔ: Asɛm bɛn na ɛwɔ Bible mu?

○●○ SANKƆHWƐ A EDI KAN

Asɛmmisa: Asɛm bɛn na ɛwɔ Bible mu?

Kyerɛwsɛm: Mt 6:10

Nsrahwɛ a Edi Hɔ: Dɛn na Onyankopɔn Ahenni bɛyɛ?

○○● SANKƆHWƐ A ƐTO SO MMIENU

Asɛmmisa: Dɛn na Onyankopɔn Ahenni bɛyɛ?

Kyerɛwsɛm: Da 2: 44

Nsrahwɛ a Edi Hɔ: Wohwɛ a wei bɛka asase no sɛn?

Asafo nhyiam a yɛyɛ no nnawɔtwe no mu no, yesusuw nsɛm mmiɛnsa a yebetumi aka ho. Efi saa bosome yi rekɔ no, ɛremma Abrabɔ Ne Asɛnka Adesua Nhoma no mu bio. Mmom yɛde nea yebetumi aka wɔ asɛnka mu na ebesi ananmu. Ɛyɛ asɛmmisa a yɛde fi nkɔmmɔbɔ ase, kyerɛwsɛm, ne asɛmmisa a yɛde bebue kwan ama nsrahwɛ a edi hɔ no. Nnawɔtwe biara, yebeyi nea yebetumi aka wɔ asɛnka mu ho video baako pɛ. Ɔdawurubɔfo biara betumi ahwɛ Nneɛma a Yɛde Kyerɛkyerɛ no mu apaw nea ɔde bɛyɛ adwuma ne bere a ɔde bɛyɛ saa. Obetumi apaw sɛ ɔde bɛyɛ adwuma wɔ nsrahwɛ a edi kan no mu anaa bere a ɔrekɔyɛ sankɔhwɛ. Bio nso, wɔ adesua nhoma no mu no, wɔbɛkyerɛ yɛn sɛnea yɛbɛyɛ sankɔhwɛ mmienu. Wei bɛboa yɛn ama yɛadu botae a yɛde asi yɛn ani so sɛ yɛbɛkyerɛkyerɛ “wɔn a wɔpɛ daa nkwa nyinaa” no ho.—Aso 13:48.

Asuafo Dwumadi: Sɛ akwankyerɛ foforo biara amma a, ɛnde asuafo no de nea yebetumi aka wɔ asɛnka mu no na ɛbɛyɛ wɔn dwumadi no.