Kɔ So Fa Nsɛmma Nhoma Yɛ Adwuma

Efi afe 2018 reba no, nsɛmma nhoma biara a yɛyɛ no ka biribi pɔtee ho asɛm. Nsɛmma nhoma ahorow yi ka Nnwinnade Titiriw a Yɛde Kyerɛkyerɛ no ho. Enti yebetumi de ayɛ adwuma wɔ asɛnka mu. Sɛ yɛretu kwan anaa yɛrekodi gua a, yebetumi de bi ahyɛ yɛn ho. Wɔanyɛ nsɛmma nhoma no sɛ yɛne nkurɔfo nsua, nanso ebetumi ama obi kɔn adɔ sɛ obesua Bible no.

Sɛ wuhyia obi na wokan kyerɛwsɛm bi kyerɛ no wie a, hwɛ nsɛmma nhoma bi a n’ani begye ho, na ka ho asɛm kyerɛ no. Yɛmfa no sɛ ɔwɔ abusua anaa ne dɔfo bi awu ama ɔredi awerɛhow. Sɛ wuhu saa a, wubetumi aka sɛ: “Nnansa yi ara na mekan biribi a ebetumi aboa wo. Metumi de akyerɛ wo?” Sɛ wuhu sɛ n’ani gye ho a, wubetumi ama no nsɛmma nhoma no baako anaa wubetumi de link no afa intanɛt so ama no. Sɛ mpo ɛyɛ nsrahwɛ a edi kan a, wubetumi ayɛ saa. Ɛwom, ɛnyɛ yɛn botae ne sɛ yɛbɛkyekyɛ nsɛmma nhoma kɛkɛ, nanso ɛboa ma yehu wɔn a wɔn ani gye ho sɛ wobesua Bible no na wɔde ayɛ adwuma.—Aso 13:48.

2018

2019

2020