Bible Betumi Aboa Ama M’abusua Anya Anigye Anaa?

Nea Bible ka

Aane. Bible mu afotu aboa nnipa ɔpepem pii ama wɔn abusua ani agye. Ebi ni:

1. Fa w’aware hyɛ mmara ase. Sɛ awarefo de wɔn aware hyɛ mmara ase a, ɛma wɔn ani gye.​—Mateo 19:4-6.

2. Dɔ wo hokafo na bu no. Nea wopɛ sɛ wo kunu anaa wo yere yɛ ma wo no, wo nso yɛ saa ara ma no.​—Mateo 7:12; Efesofo 5:25, 33.

3. Nkasa ntia wo hokafo. Sɛ wo kunu anaa wo yere ka biribi na anyɛ wo dɛ anaasɛ ɔyɛ biribi ma ɛhaw wo mpo a, nkasa ntia no. (Efesofo 4:31, 32) Bible ka wɔ Mmebusɛm 15:1 sɛ: “Mmuae bɔkɔɔ ma abufuw twa, na asɛm a ɛyɛ yaw hyɛ abufuw.”

4. Di nokware ma wo hokafo. Ɛnsɛ sɛ wunya obi foforo biara ho akɔnnɔ anaa wo ne no da, gye wo hokafo nko ara. (Mateo 5:28) Bible ka sɛ: “Mo nyinaa, momma aware ho mmra nyam, na munngu aware mpa ho fĩ.”​—Hebrifo 13:4.

5. Tete wo mma wɔ ɔdɔ mu. Ɛnsɛ sɛ wohyɛ wo ba abahyɛbɔne. Saa ara nso na ɛnsɛ sɛ wopoopoo no.​—Mmebusɛm 29:15; Kolosefo 3:21.