Nigeria Asɔre Asɛe

Bay Ekpu a ɔyɛ Lagos atesɛm krataa, Sunday Times no samufo ● kaa akasakasa a asɔre nnansa yi wɔ akanni ne nneɛma afoforo ho wɔ Nigeriafo asɔre ahorow pii mu no ho asɛm sɛ: “Ɛsɛ sɛ yɛka, sɛ wɔka ne nyinaa bom a, sɛ asɔre ahorow no resɛe wɔ ɔman yi mu afei. Ɛkame ayɛ sɛ wubetumi ahu asɔre biako anaa nea ɛboro saa wɔ borɔn biara so; na abrabɔ foforo a enye a ɛrekɔ so resɛe asɔre ahorow no. . . . Ɛda adi sɛ Satan na ɔreyɛ adwuma wɔ yɛn asɔre ahorow no ne ɔman yi mu; wɔ bere tiaa mu no, wohu sɛ ɔbonsam resi n’asɔredan wɔ asɔre ahorow pii mu; wɔ bere tiaa mu no Kristofo pii rebɔ mmɔden sɛ wɔde Kristosom besi hɔ wɔ wɔn ankasa su a asɛe mu . . .

“Bere a Yesu pam sikasesafo ne apoobɔfo fii asɔrefi hɔ na ɔkae sɛ n’Agya fi yɛ mpaebɔ fi no, na onnim sɛ wɔbɛsan aba bio wɔ Nigeria. Enti asɔre ne adwuma a sika wom kɛse wɔ Nigeria, ɛno nti na asɔre ahorow pii abu so wɔ baabiara no, na ɛno nti na wɔko ntɔkwaw ahorow pii wɔ wɔn a wobedi anim ho no. Wɔhwɛ kwan sɛ asɔre no bɛyɛ ogye fibea ama nnebɔneyɛfo, na sɛ asɔre no reyɛ bɔne kɛse sen sɛnea wɔyɛ tia no a, hena na obegye asɔre no?”