Nyamesom Fie a Emu Apaapae

Wɔ wiase nyamesom nyinaa mu no, Roman Katolek, Nkramosom, ne Hindusom na ɛyɛ akɛse sen biara. Roman Katolekfo yɛ ɔpepem 985 anaasɛ wiase nnipa dodow a wɔyɛ ɔpepem 5.24 no mu ɔha mu biara mu 18.8, bere a ɔpepem 912 (ɔha biara mu nkyem 17.4) se wɔyɛ Nkramofo, na ɔpepem 686 (ɔha bira mu nkyem 13.1) yɛ Hindufo—nea ɛboro Budafo ɔpepem 320 no dodow so mpɛn abien ne akyi.

Asiaweek kae sɛ: “Nnipa pii wɔ Kristosom mu sen nyamesom biara. Nanso emu akyekyɛ ayɛ abakɔsɛm mu atamfo akuw—Kusuu fam Ireland Protestantfo ne Katolekfo yɛ ɛho nhwɛso a ɛda so wɔ hɔ a wonim no yiye—araa ma ɛyɛ den ma nnipa pii sɛ wobebu no sɛ ne nyinaa yɛ nyamesom biako. . . . Nkramofo mu nkyekyɛe pii sɛ Kristofo, nanso Sunni ne Shia yɛ akuw abien a wɔda nsow a wɔn abakɔsɛm nyɛɛ nea biakoyɛ wom bere nyinaa.” Nkramofo kuw a wɔdɔɔso sen biara ne Sunnifo no.

Bio nso, wiase no mu nnipa a wɔdɔɔso pii nni nyamesom biara mu. Eyinom mu pii wɔ China, Europa Apuei Fam ne Soviet Union. Wɔn a wonni nyamesom biara mu no dodow yɛ ɔpepem 896 na wɔn a wonnye nni sɛ Onyankopɔn bi wɔ hɔ no nso yɛ ɔpepem 236.