“Mfomso Ahorow Ason a Ɛwɔ Wiase”

WƆKA sɛ Mohandas Gandhi na ɔde nsɛm a wɔahyehyɛ a ɔfrɛɛ no “Mfomso Ahorow Ason a Ɛwɔ Wiase” no bae. Ɛno na edidi so yi:

• Ahonyade a wɔnyɛ ho adwuma

• Anigye a ahonim nka ho

• Nimdeɛ a suban pa nka ho

• Aguadi a ɔbra pa nka ho

• Nyansahu a ɛnnwen nnipa ho

• Ɔsom a ahofama nka ho

• Amammuisɛm a ennyina nnyinasosɛm so

Wɔaka sɛ ne banana, Arun Gandhi, de nea ɛto so awotwe kaa ho:

• Hokwan horow a asɛyɛde nka ho

Ebia wubetumi de kakra aka ho, nanso akyinnye biara nni ho sɛ nea wɔahyehyɛ yi kanyan adwene. Wɔabɔ “mfomso” ahorow yi ho mmuae a Bible no de ma no mua wɔ mmara abien mu: “Dɔ Awurade [Yehowa, NW] wo Nyankopɔn wo koma nyinaa mu ne wo kra nyinaa mu ne w’adwene nyinaa mu! Eyi ne mmara no mu kɛse ne nea edi kan. Na nea etia abien te sɛ ɛno: Dɔ wo yɔnko sɛ wo ho! Mmara nsɛm abien yi so na mmara ne adiyifo nyinaa sɛn.”—Mateo 22:37-40.

[Mfonini Fibea wɔ kratafa 20]

UPI/Corbis-Bettmann