Teokrase Nsɛmmansɛmma

◆ Ɔsom afe a etwaam no mu wɔ Ghana no, sɛ wɔkyekyem pɛpɛɛpɛ a, adawurubɔfo 19 bɛyɛɛ daa akwampaefo ɔsram biara. Na afe yi, ɛde besi saa bere yi, sɛ wɔkyekyem pɛpɛɛpɛ a, 29 bɛyɛ daa akwampaefo ɔsram biara. February mu nkutoo no, 40 bɛyɛɛ daa akwampaefo, ma daa ɔkwampaefo dodow a wɔwɔ ɔman yi mu no bɛyɛɛ 908 a ɛkɔ soro sen bere biara. Ghana ha nso no, asɔfo bi a adawurubɔfo 19 na wɔwɔ mu no mu ɔdawurubɔfo biara nyaa nnɔnhwerew 21, sankɔhwɛ 14 ne Bible adesua 3 ɔsram biara, sɛ wɔkyekyem pɛpɛɛpɛ a. Na obiara nni asafo no mu a asram bi wɔ hɔ a ɔnkɔ asɛnka anaasɛ wagyae asɛnka koraa.

◆ Wɔ “Anidaso a Nkwa Wom” nhyiam horow abien a wɔyɛe wɔ Israel no ase no, wɔbɔɔ 13 asu​—eyi dɔɔso sen nnipa a wɔbɔɔ wɔn asu ɔsom afe a etwaam no nyinaa mu no. Wɔn a wɔkɔe no dodow ye 350, na eyi boro adawurubɔfo a wobu akontaa wɔ hɔ no so 100.

◆ Portugal nyaa adawurubɔfo dodow a ɛkɔ soro sen biara a etia abien November mu; wonyaa ɔdawurubɔfo 20,725. Wɔbɔ amanneɛ nso sɛ ɔdawurubɔfo biara anwu wɔ asasewosow a ɛbae wɔ Azores no mu.

◆ Ivory Coast bɔ dwumadi fɛfɛ a ɛkɔɔ so November mu ho amanneɛ, na wonyaa adawurubɔfo dodow foforo a ɛkɔ soro sen biara 1,294. Upper Volta nso nyaa adawurubɔfo 136, ɛkɔ soro sen biara.