Nsakrae Wɔ Ɔmansin Sohwɛfo Nsrahwɛ Mu

Efi January 1981 no, nsakrae bi bɛba asafo nhyiam a wɔyɛ no ɔmansin sohwɛfo nsrahwɛ dapɛn no mu no mu. Wɔde simma 30 bɛyɛ Teokrase Sukuu no, na nea wɔbɛyɛ ara ne Dwumadi 1 ne dapɛn no mu Bible akenkan no mu nsɛntitiriw a wɔda no adi. Wɔremma asuafo kasa biara saa dapɛn no mu. Ɔmansin sohwɛfo no nso bɛma dɔnhwerew fã ɔkasa. Wɔde dɔnhwerew biako bɛyɛ ɔsom nhyiam a wɔyɛ no daa no, enti ɛbɛyɛ nnɔnhwerew abien nhyiam.

Ebia asafo horow bɛpɛ sɛ wodi kan yɛ ɔsom nhyiam no, to dwom, na wɔde Teokrase Sukuu ne ɔmansin sohwɛfo no dɔnhwerew fã kasa no toa so. Asafo horow betumi de nea wɔpɛ biara adi kan.