Nya Ɔmansin Nhyiam No Ho Mfaso
1 Yɛn nsa aka nkrataa ahorow a wɔde rekyerɛ afotusɛm a emu da hɔ a wɔde mae wɔ yɛn nnansa yi ɔmansin nhyiam a wɔtoo din “Yɛn Ho Ase a Yɛbɛbrɛ Ama Onyankopɔn” no ase no ho anisɔ. Saa dwumadi nhyehyɛe yi fii ase February 12 na ɛbɛkɔ so akosi June 6. So woakɔ bi? So wokae nkuranhyɛ fɛfɛ a wɔde mae sɛ yenhu yɛn afã wɔ Yehowa teokrase ahyehyɛde no mu na yenkwati ahofadi kwan a yɛbɛfa so no? Akyinnye biara nni ho sɛ yɛn nyinaa benya mfaso kɛse bere a yɛn ankasa yetie saa afotu yi na yɛboa yɛn nuanom ma wɔyɛ saa no. Sɛ wunnya nkɔɔ ɔmansin nhyiam horow yi bi a, ɛnde hwɛ sɛ wobɛkɔ bi wɔ adapɛn kakraa a. edi hɔ yi mu bere a wɔda so yɛ no.
2 Yɛn ɔmansin nhyiam dwumadi nhyehyɛe a edi hɔ a ebefi ase October mu no asɛmti bɛyɛ “Monyɛ Kronn sɛ Akanea Kurafo.” (Fil. 2:15) Ɛho hia sɛ yɛn nyinaa yɛ kronn wɔ awo ntoatoaso a akyea mu na bere koro no ara mu no yɛhyerɛn yiye sɛ akanea kurafo. Nanso dɛn na Yehowa hwehwɛ afi ne kanea kurafo nkyɛn, na nneɛma ahorow bɛn na ɛsɛ sɛ yekwati? Hwɛ sɛ wo ne w’abusua benya nhyehyɛe fɛfɛ a wɔayɛ yi ho mfaso yiye.