Teokrase Nsɛmmansɛmma

◆Efi February 19 besi 25, 1982 no, Onua Albert D. Schroeder a ɔyɛ Sodi Kuw no muni bɛsraa Ghana baa no. Ne nsrahwɛ no mu nneɛma atitiriw a ɛkɔɔ so no bi ne Accra asafo horow bi a ɔkasa kyerɛe wɔn wɔ Arts Center no. Mmara a ɛwɔ hɔ sɛ ɛsɛ sɛ nkurɔfo da ntɛm no nyinaa akyi no, nnipa 983 betiee ɔkasa no. Kwasida, February 21 no, ofii Accra kɔɔ ɔmansin nhyiam bi ase kɔkasa kyerɛɛ anuanom 909 a wofi ɔman a ɛbɛn Ghana a wɔabara adwuma no wɔ hɔ no.

◆Baa ahorow a wɔwɔ Europa bɔ adawurubɔfo dodow foforo a wɔanya ho amanneɛ October mu: Austria, 13,942; Italy. 92,200; Luxembourg, 1,012: Spain, 48,763; Switzerland, 11,060. Sɛ wɔkyekyem pɛpɛɛpɛ a, adawurubɔfo a wɔwɔ Italy no mu biara de nnɔnhwerew 12.2 yɛɛ adwuma,

◆Nicaragua nyaa adawurubɔfo bɛboro 4,000 nea edi kan, 4,028 buu akontaa October mu, ɛboro afe a etwaam no de so ɔha biara mu 10. Wɔyɛɛ adesua horow 6,090 wɔ ɔsram no mu.

◆Bolivia nyaa ɔha biara mu nkɔanim 10 October mu, ma wonyaa adawurubɔfo dodow foforo a ɛsen biara 2,805. Wonyaa nkɔanim afoforo nso wɔ sankɔhwɛ ne adesua horow mu.

◆Bere a adawurubɔfo 505 na wobu akontaa wɔ Bahamas no, nnipa 1,164 kɔɔ ɔmansin nhyiam abien a wɔyɛe ase, na wɔbɔɔ 12 asu.

◆Puerto Rico buu daa akwampaefo dodow foforo a ɛkɔ soro sen biara 327 ho akontaa October mu.

◆Chile buu ɔha mu nkɔanim 8 ho akontaa October mu, ma wonyaa adawurubɔfo dodow foforo 16,942.