Yebesua Adiyisɛm Awiei Nhoma No
1 Kratafa a Adiyisɛm Awiei nhoma no asɛmti pue wɔ nhoma no mu no fa asɛm a ɛwɔ Adiyisɛm 1:3, NW no ka sɛ: “Anigye ne nea ɔkenkan no den ne wɔn a wɔte nkɔmhyɛ yi mu nsɛm.” Akyinnye biara nni ho sɛ nkɔmhyɛ ahorow a ɛwɔ Bible no Adiyisɛm nhoma mu a ɛrenya mmamu nnɛ no akanyan Yehowa nkurɔfo a wɔwɔ hɔ nnɛ no anigye kɛse. Wɔada mprempren ntease a yɛwɔ wɔ nsɛm a ɛresisi wɔ saa “Awurade da” yi mu ho no adi wɔ Adiyisɛm—N’awiei Koraa Abɛn! mu. (Adi. 1:10) Yɛnam ne sua so anya wiase nsɛm atitiriw a esisi no mu nhumu, titiriw nea ɛfa wiase atoro som ahemman no, amanaman ani a wɔde akyerɛ Harmagedon ne Yehowa ne ne nkurɔfo nsennii ho no.
2 Wɔ ebinom a wɔwɔ Engiresi kasa mu asafo ahorow mu a wonyaa hokwan suaa nhoma yi wɔ 1991 mu no fam no, ɛnyɛ sɛ nhoma yi sua bɛkaakae wɔn adwene wɔ nneɛma bi a wɔasua dedaw ho nko, na mmom, ɛbɛma honhom mu ntease a wɔwɔ wɔ nnansa yi nsɛm a ɛresisi a ɛbɛkɔ akowie Yehowa da a obedi n’atamfo nyinaa so nkonim mu ho no ayɛ kɛse. Obiara betumi anya Adiyisɛm Awiei nhoma a yebesua wɔ Asafo Nhoma Adesua ase no mu mfaso.
3 Efi October 3, 1994 no, hwɛ hu sɛ dapɛn biara wubesiesie wo ho yiye akɔ, na woanya mu kyɛfa sɛnea ɛsɛ. Bere a nkɔmhyɛ a wɔakyerɛw wɔ Adiyisɛm nhoma mu no boa wo ma wunya wiase nsɛm a ɛresisi no mu ntease kɛse no, wubenya akatua ne nhyira pii. Akyinnye biara nni ho sɛ ehia sɛ yɛde anibere susuw asɛm a ɛte saa ho, efisɛ ɛfata ma saa bere yi sen bere biara a atwam. Ɛmmra sɛ yebenya anigye a wɔahyɛ ho bɔ no, bere a yɛkenkan, yetie, na yesusuw nkɔmhyɛ a ɛyɛ anigye a ɛfa yɛn mmere yi ho no!