Munsiesie Mo Ho Mma Nkaedi No

Wɔaka bere ne beae pɔtee a wɔbɛhyɛ fã no akyerɛ obiara, a ɔkasafo no ka ho? Ɔkasafo no nim sɛ ɛnsɛ sɛ dwumadi no boro simma 45?

Wɔde abodoo ne bobesa no a wobenya bi ho dwumadi ahyɛ obi nsa? (Hwɛ February 15, 1990, Ɔwɛn-Aban, nkratafa 16-18.) Wɔayɛ ɔpon no so asiesie ho nhyehyɛe, a wɔde ɔpon so ntama a ani tew bɛsɛw so de nkuruwa ne mprɛte dodow a ɛfata asisi so?

Wɔayɛ Ahenni Asa no so a wobesiesie ansa na bere no adu ne ɛno akyi ho nhyehyɛe? Wɔde dwumadi ahyehyɛ wɔn a wobegye ahɔho ne wɔn a wɔde abodoo ne bobesa no bɛfa nkurɔfo anim no nsa dedaw? Wɔne wɔn ahyiam abɔ wɔn dwumadi no ho nkɔmmɔ? Nhyehyɛe bɛn na wobedi akyi na ama wɔatumi de abodoo ne bobesa no afa obiara anim sɛnea ɛsɛ?

Wɔayɛ nhyehyɛe a wɔde bɛboa anuanom mmarima ne mmea a wɔanyinyin ne wɔn a wɔyɛ ayarefo ma wɔaba bi? Sɛ wɔn a wɔasra wɔn no bi wɔ hɔ a wɔaka mpa mu na wontumi mma ase a, wɔayɛ nhyehyɛe a ɛbɛma wɔakɔma wɔn bi? Ɛsɛ ɛsɛ asafo no kyerɛwfo hwɛ hu sɛ ɔde “Memorial Report” a wahyehyɛ awiei bɛmena ansa na Memeneda, April 15 atwam.