Asɛmmisa Afã

◼ Hena na ɛsɛ sɛ yɛma no ɔmantam nhyiam lapɛl baagye no bi?

Nhyiam lapɛl baagye no boa pii ma yetumi hu yɛn nuanom na ɛbɔ nhyiam no ho dawuru nso. Nanso ɛnyɛ obiara kɛkɛ na ɛsɛ sɛ yɛma no bi. Ɛma yehu sɛ nea ɔbɔ bi no wɔ gyinabea pa wɔ Yehowa Adansefo asafo pɔtee bi mu.

Wɔakyerɛ ɔfa a ɛsɛ sɛ wɔkyerɛw nipa no ne asafo a ɔwom no din gu wɔ krataa no so. Enti anyɛ yiye koraa no, ɛsɛ sɛ nipa no ne asafo a wakyerɛw wɔ so no abɔ akodu baabi. Asafo ti no de lapɛl baagye dodow bi bɛmena asafo biara. Ɛsɛ sɛ yɛde krataa no ma adawurubɔfo a wɔabɔ asu ne wɔn a wɔmmɔɔ asu. Afei nso ɛsɛ sɛ yɛma mmofra ne afoforo a wɔkɔ asafo nhyiam daa na wɔwɔ ɔpɛ sɛ wɔbɛkɔ asɛnka no bi. Ɛrenyɛ papa sɛ yɛbɛma obi a wɔatu no no nhyiam lapɛl baagye no bi.

Sɛ mo nsa ka lapɛl baagye no a, ɛsɛ sɛ mpanyimfo hwɛ ma wogyina nyansahyɛ a wɔde ama yi so kyekyɛ.