Nea Yɛbɛka Afa Yɛn Nsɛmma Nhoma Ho

Ɔwɛn-Aban Aug. 1

“Yɛtaa hu sɛ nkurɔfo yɛ afoforo ayayade nnɛ. Wususuw sɛ, sɛ nnipa pii de asɛm a Yesu kae yi di dwuma a, anka nneɛma bɛsakra? [Kenkan Mateo 7:12. Afei twɛn ma ommua.] Nsɛmma nhoma yi nam Bible no so kyerɛkyerɛ sɛnea daakye wobedi nnipa ni no mu.”

Awake! Aug.

“Yɛn nyinaa pɛ sɛ yenya akwahosan pa. So wunim sɛ nnuruyɛfo a wɔwɔ hɔ nnɛ no mu pii mpɛ sɛ wɔde mogya bɛma ayarefo? [Twɛn ma ommua.] Nsɛmma nhoma yi kyerɛ nea enti a wɔmpɛ sɛ wɔyɛ saa no mu. Ɛnam Bible no so kyerɛkyerɛ nea enti a Onyankopɔn bu mogya sɛ ɛsom bo no mu.” Kenkan Leviticus 17:11.

Ɔwɛn-Aban Aug. 15

“Yɛpɛ sɛ wokyerɛ w’adwene wɔ asɛm bi a Yesu kae yi ho. [Kenkan Mateo 5:5.] Sɛ bɔhyɛ yi ba mu a, wususuw sɛ asase so tebea bɛyɛ te sɛ nea ɛte yi ara? [Twɛn ma ommua.] Nsɛmma nhoma yi ma yehu sɛnea Bible kyerɛ sɛ Yesu bɛsesa nneɛma wɔ asase so no. Ɛsan kyerɛ wɔn a wobenya asase no so atra.”

Awake! Aug.

“Wususuw sɛ yɛbɛsan ahu yɛn adɔfo a wɔawuwu no? [Twɛn ma ommua.] Hyɛ Yesu bɔhyɛ a ɛfa awufo ho yi nsow. [Kenkan Yohane 5:28, 29.] Bible no kyerɛkyerɛ tebea a yɛkɔ mu bere a yɛawu no mu wɔ asɛm yi mu.” Fa asɛm a ɛwɔ kratafa 28 no kyerɛ no.