The Bible—Accurate History, Reliable Prophecy

Adanse bɛn na ɛwɔ hɔ a ɛkyerɛ sɛ Bible ne abakɔsɛm hyia? Bible mu nkɔmhyɛ bɛn na anya mmamu a ɛma yenya ahotoso sɛ nkɔmhyɛ afoforo nso bɛbam daakye? Wubenya nsɛmmisa yi ho mmuae bere a woahwɛ The Bible—Accurate History, Reliable Prophecy video no. Video ahorow abiɛsa na ɛwɔ The Bible—A Book of Fact and Prophecy DVD no so, na The Bible—Accurate History, Reliable Prophecy no na ɛto so abiɛsa. Sɛ wohwɛ video yi wie a, hwɛ sɛ wubetumi abua nsɛmmisa yi anaa.

(1) Bible mu asɛm a ɛyɛ nokware no fi hena? (Dan. 2:28) (2) Ɔkwan bɛn so na Bible no ka tete Egypt ho asɛm pɛpɛɛpɛ, na ɔkwan bɛn so na Yesaia 19:3, 4 nyaa mmamu? (3) Ɔkwan bɛn so na fam a wotutu hwehwɛ tetefo nneɛma mu si nea Bible ka fa Asiriafo, wɔn ahemfo, ne Asiria asehwe no so dua? (Nah. 3:1, 7, 13) (4) Babilon ho nkɔmhyɛ bɛn na enyaa mmamu? (Yer. 20:4; 50:38; 51:30) (5) Nkɔmhyɛ a ɛfa Medo-Persia ho bɛn na ɛbaa mu? (Yes. 44:28) (6) Ɔkwan bɛn so na Daniel 7:6 ne 8:5, 8 nyaa mmamu wɔ Greece so? (7) Ɔkwan bɛn so na Daniel 7:7 nyaa mmamu bere a Roma bɛyɛɛ ɔman a edi wiase nyinaa so tumi no? (8) Kaesarefo baahe na wɔabɔ wɔn din wɔ Bible mu? (9) Dɛn na ɛtoo Kristofo wɔ Nero tumidi ase? (10) Ɔkwan bɛn so na nkɔmhyɛ a ɛwɔ Adiyisɛm 13:11 ne 17:10 no nyaa mmamu? (11) Yɛyɛ dɛn hu ɔhene a ɔto so awotwe no? (12) Dɛn na wuhui wɔ video no mu a ɛda nokwasɛm a ɛwɔ Ɔsɛnkafo 8:9 no adi? (13) Nkɔmhyɛ bɛn na wode anigye rehwɛ kwan sɛ ɛbɛbam daakye? (14) Wobɛyɛ dɛn atumi de video yi aboa afoforo ma wɔagye atom sɛ Bible no fi Onyankopɔn honhom mu?