Nsɛm a Yɛbɛtumi Aka

De Afiri Bible Adesua Ase Memeneda a Ɛdi Kan wɔ December Mu

“Yɛresrasra mpɔtamu hafoɔ na yɛde mmoa bi ama mmusua. Ɛnnɛ, yɛhunu sɛ awofoɔ pii pɛ sɛ wɔn mma dɔ Onyankopɔn. Wosusu sɛ wei yɛ biribi a awofoɔ bɛtumi de akyerɛkyerɛ wɔn mma, anaa mmɔfra no ara bɛtumi afiri wɔn pɛ mu adɔ Onyankopɔn?” Twɛn ma ɔmmua. Afei, fa asɛm a ɛwɔ December 1 Ɔwɛn-Aban no akyi kyerɛ no, na monsusu asɛm a ɛwɔ asɛmmisa a ɛdi kan no ase no ho; anyɛ yie koraa no monkenkan twerɛsɛm baako na monsusu ho. Fa nsɛmma nwoma no ma no, na yɛ nhyehyɛeɛ san kɔsra no na monsusu asɛmmisa a ɛdi hɔ no ho.

Ɔwɛn-Aban December 1

“Anɔpa yi, yɛne mpɔtamu hafoɔ rebɔ Onyankopɔn ho nkɔmmɔ. Yɛnim sɛ ɛsono adwene a obiara kura wɔ Onyankopɔn ho. Nanso wohwɛ a, dɛn na nnipa pii ka fa Onyankopɔn ho, wɔka sɛ ɔyɛ tumi bi a ɛwɔ hɔ kɛkɛ anaasɛ ɔyɛ obi a ɔdwene nnipa ho a yɛbɛtumi afa no adamfoɔ? [Twɛn ma ɔmmua.] Bible mu asɛm yi ma yɛhunu adamfofa a Onyankopɔn pɛ sɛ ɛbɛda yɛne no ntam. [Kenkan Yakobo 4:8a] Nwoma yi kyerɛ nneɛma mmiɛnsa a yɛyɛ a, ɛbɛma yɛabɛn Onyankopɔn.”

Nyan! December

“Ɛnnɛ, yɛne nnipa a wɔwɔ mpɔtamu ha rebɔ akwahosan ho nkɔmmɔ.” Wiase Nyinaa Akwahosan Ahyehyɛdeɛ no kyerɛ sɛ, sɛ yɛyi nnipa nnan biara a, wɔn mu baako bɛnya adwenem yareɛ bi ansa na wawu. Wonnye nni sɛ adwenem yareɛ adɔɔso nnansa yi? [Twɛn ma ɔmmua.] Bible ma yɛnya anidasoɔ sɛ daakye, yareɛ ne yea bɛfiri asase so. [Kenkan Adiyisɛm 21:3, 4.] Nwoma yi ka nneɛma bi a ɛsɛ sɛ obiara hunu fa adwenem yareɛ ho asɛm.”