Nsɛm a Yebetumi Aka

De afi Bible adesua ase wɔ Memeneda a edi kan wɔ December mu

“Edu saa bere yi wɔ afe no mu a, nnipa pii susuw Yesu ho. Wususuw sɛ dɛn ne ade kɛse paa a Yesu tumi yɛe? [Twɛn ma ommua.] Hwɛ asɛmti a ɛwɔ kratafa 16 yi.” Fa December 1 Ɔwɛn-Aban no ma ofiewura no, na munsusuw asɛm a ɛwɔ asɛmti ketewa a edi kan wɔ kratafa 16 ase, ne anyɛ yiye koraa no emu kyerɛw nsɛm no mu biako ho. Gyaw nsɛmma nhoma no ma no na yɛ nhyehyɛe san kɔsra no na munsusuw asɛmmisa a edi hɔ no ho.

The Watchtower December 1

“Wɔ saa bere yi mu no, nnipa pii nya nea wɔfrɛ no Buronya mu ahosɛpɛw no. Nsɛm a ɛwɔ ha yi mu nea ɛwɔ he na wususuw sɛ ɛyɛ saa anigye no fã titiriw? [Fa nsɛm a wɔahyehyɛ wɔ kratafa 3 no kyerɛ no na twɛn ma ommua. Afei bue asɛm a edi hɔ no kyerɛ no na kenkan kyerɛwsɛm a egyina so no.] Nsɛmma nhoma yi kyerɛ akwan a yebetumi afa so akae Yesu wɔ afe no nyinaa mu, na ɛnyɛ Buronya bere nkutoo mu.”

Awake! December

“Yɛresrasra nkurɔfo efisɛ nnipa pii teetee na wɔahaw. So woahyɛ no nsow sɛ nkurɔfo bo taa fuw ntɛmntɛm nnansa yi? [Twɛn ma ommua.] Ebinom gye di sɛ yɛte ahokyere bere a wɔhyɛɛ ho nkɔm wɔ 2 Timoteo 3:1 no mu. [Kenkan] Nsɛmma nhoma yi kyerɛ nea enti a sɛ yɛtaa fa abufuw a edi yɛn awu, na ɛde sɛnea yebetumi anya abotare kɛse ho nyansahyɛ ma.”