Sɛnea Yɛde JW Library Bedi Dwuma

BERE A YƐRESUA ADE:

• Kenkan Bible ne daa asɛm no

• Kenkan Yearbook, nsɛmma nhoma, ne nhoma afoforo. Wubetumi de bookmark agyiraehyɛde adi dwuma

• Siesie wo ho ma asafo nhyiam, na fa kɔla hyɛ mmuae no nsow

• Hwɛ video ahorow

BERE A WOAKƆ ASAFO NHYIAM:

• Wubetumi abue kyerɛw nsɛm a ɔkasafo no bɛtwe adwene asi so no. Sɛ wopɛ sɛ wosan kɔ kyerɛwsɛm no so bio a, kɔ history afã hɔ

• Ɛho nhia sɛ wode nhoma ahorow bɛkɔ asafo nhyiam, wubetumi de wo fon anaa wo tablɛt a JW Library wɔ so no adi adesua no akyi na woato dwom no bi mpo. Nnwom foforo a enni yɛn nnwom nhoma no mu mpo no, wubenya wɔ so

BERE A YƐWƆ ASƐNKA MU:

• Sɛ obi kyerɛ asɛm no ho anigye a, fa JW Library no so nneɛma no bi kyerɛ no, na boa no ma ɔntwe JW Library app no ne nhoma ahorow no bi ngu n’ankasa fon anaa tablɛt so

• Fa search afã no hwehwɛ Bible mu asɛm bi

• Yi video kyerɛ. Sɛ ofiewura no wɔ mma a, wubetumi ayi Bra Bɛyɛ Yehowa Adamfo video no baako akyerɛ wɔn. Anaa wubetumi ayi video a ɛne Adɛn Nti na Ɛsɛ sɛ Wusua Bible? no de akanyan Bible adesua ho anigye. Sɛ wokɔto obi a ɛsono kasa a ɔka a, bɔ video a ɛwɔ ne kasa mu kyerɛ no

• Fa Bible a woatwe a ɛwɔ kasa foforo mu kyerɛ obi. Bue kyerɛwsɛm ko no, klik nkyekyɛm no so, afei klik agyiraehyɛde a ɛte sɛ nhoma a wɔabue mu (parallel icon) no so