Yehowa Bɔ Ne Nkurɔfo Ho Ban

Twam a edi kan a Israelfo dii no, na ɛyɛ biribi a wɔbɛkae daa. Bere a Farao sɔree saa anadwo no na ohui sɛ n’abakan no awu no, ɔka kyerɛɛ Mose sɛ: “Monsɔre na mo ne Israelfo a wɔaka nyinaa mfi me man mu na monkɔsom Yehowa, sɛnea moaka no.” (Ex 12:31) Nea Yehowa yɛe yi kyerɛ sɛ, ɔbɔ ne nkurɔfo ho ban.

Sɛ yɛhwɛ Yehowa Adansefo abakɔsɛm mu a, yetumi hu paa sɛ, Yehowa da so ara rekyerɛ n’asomfo kwan na ɔbɔ wɔn ho ban. Yehu saa nokwasɛm yi wɔ tete nneɛma akorae a yɛato din “Nnipa a Yehowa Din Da Wɔn So” a ɛwɔ wiase nyinaa adwumayɛbea ti no.

HWƐ VIDEO A YƐATO DIN TETE NNEƐMA AKORAE A ƐWƆ WARWICK NSRAHWƐ: “NNIPA A YEHOWA DIN DA WƆN SO” NO. WUWIE A, BUA NSƐMMISA A EDIDI SO YI:

• 

  Afe 1914 mu no, nnwinnade bɛn na Bible Asuafo no de yɛɛ adwuma sɛnea ɛbɛyɛ a nkurɔfo begye adi sɛ Bible no yɛ Onyankopɔn Asɛm? Dɛn na efii mu bae?

• 

  Afe 1916 ne 1918 mu no, sɔhwɛ ahorow bɛn na Yehowa nkurɔfo hyiae? Dɛn na ɛma yehu sɛ na Yehowa rekyerɛ n’ahyehyɛde no kwan?

• 

  Esiane Yehowa nkurɔfo gyidi nti, nkurɔfo sɔre tiaa wɔn. Nanso ɔkwan bɛn so na wɔkɔɔ so gyinaa pintinn?

• 

  Afe 1935 mu no, ntease foforo bɛn na Yehowa nkurɔfo nyae? Ɛkaa wɔn sɛn?

• Sɛ woakɔhwɛ tete nneɛma akorae a ɛwɔ Warwick no pɛn a, dɛn na wuhui a ɛma wugye di sɛ Yehowa rekyerɛ ne nkurɔfo kwan na ɔbɔ wɔn ho ban?