Mose Dii Akwankyerɛ Akyi Pɛpɛɛpɛ

Yehowa de sɛnea na ɛsɛ sɛ wɔyɛ ntamadan no ho akwankyerɛ maa Mose, na odii akyi pɛpɛɛpɛ. Yɛn nso, akwankyerɛ biara a Yehowa ahyehyɛde no de bɛma yɛn no, ɛsɛ sɛ yetie no ntɛm na yefi yɛn komam de yɛ adwuma. Sɛ yɛte nka sɛ ɛho nhia sɛ yɛde bɛyɛ adwuma anaa yɛnte nea enti a wɔde saa akwankyerɛ no ama yɛn ase mpo a, ɛsɛ sɛ yetie na yɛde yɛ adwuma.—Lu 16:10.

Adɛn nti na ɛsɛ sɛ yetie akwankyerɛ a edidi so yi na yɛde yɛ adwuma?

Akwankyerɛ a wɔde ma yɛn wɔ asɛnka nhyiam ase
Akwankyerɛ a ɛfa sɛnea ɛsɛ sɛ yesiesie yɛn ho ansa na yare bi a yɛnhwɛ kwan abɔ yɛn
Akwankyerɛ a ɛfa sɛnea ɛsɛ sɛ yesiesie yɛn ho ma atoyerɛnkyɛm

Mfoni: Anuanom bi de akwankyerɛ a yɛde ama wɔn no reyɛ adwuma. 1. Anuanom bi reyɛ asɛnka nhyiam. 2. Onuawa bi rehyehyɛ kratasin a ɛkyerɛ sɛ n’ani nnye mogya ho. 3. Abusua bi rehyehyɛ nneɛma a sɛ atoyerɛnkyɛm si a wobehia agu bag mu.