Ma Wo Nuanom Mmoa Wo

Yehowa de yɛn “nuanom a wɔwɔ wiase nyinaa” ama yɛn sɛ wɔmmoa yɛn mma yentumi nyɛ asɛnka adwuma no. (1Pe 5:9) Asuafoyɛ adwuma a yɛreyɛ no, sɛ yehyia ɔhaw bi a, wobetumi aboa yɛn ama yɛadi so. Wohwɛ ɔsomafo Paul sei a, Akwila ne Priskila, Silas, Timoteo, ne afoforo boaa no ma otumi yɛɛ asɛnka adwuma no.—Aso 18:1-5.

Dɛn na anuanom betumi ayɛ de aboa wo ama woayɛ asɛnka adwuma no? Wobetumi aboa wo ama woahu sɛnea wobɛyɛ sankɔhwɛ, sɛnea wubefi Bible adesua ase, sɛnea wobɛyɛ Bible adesua, ne nea wubetumi ayɛ bere a ofiewura bi aka biribi de atwa w’ano. Enti sɛ wuhu sɛ wuhia mmoa na ama woatu mpɔn wɔ asɛnka adwuma no mu a, ka ho asɛm kyerɛ onua bi a wunim sɛ obetumi aboa wo. Woyɛ saa a, ɛbɛma woasua biribi afi ne hɔ, na ɔno nso asua biribi afi wo hɔ, na mo nyinaa ani begye.—Flp 1:25.

HWƐ VIDEO A YƐATO DIN MMOA A YEHOWA DE MA YƐN WƆ ASUAFOYƐ ADWUMA NO MU NO, SƐ YEGYE TOM A, ƐBƐMA YƐN ANI AGYE—YƐN NUANOM NO. WUWIE A, BUA NSƐMMISA A EDIDI SO YI:

• 

  Dɛn na na Neeta yɛ de hyɛ Jade nkuran sɛ ɔmmra adesua?

• 

  Sɛ yɛrekɔyɛ Bible adesua a, adɛn nti na ɛsɛ sɛ yɛma anuanom afoforo kogya yɛn?

• 

  Dɛn na na Jade ne Abigay nyinaa ani gye ho?

• Nneɛma a anuanom betumi aboa yɛn ama yɛatu mpɔn wom no, ebi ne dɛn?