Yɛda Yehowa Ase Sɛ Moda Ɔdɔ Adi

Anuanom a na wɔwɔ Tesalonikafo asafo no mu no, na nneɛma mu yɛ den ma wɔn. Nanso wɔdaa ɔdɔ adi kyerɛɛ wɔn nuanom Kristofo. (2Te 1:3, 4) Ɛnnɛ nso, Yehowa nkurɔfo da ɔdɔ adi kyerɛ wɔn nuanom a wɔwɔ wiase nyinaa. Wokɔ jw.org so na wohwɛ nsɛm a ɛba toatoa so a wɔato din “Sɛnea Yɛde Ntoboa a Wuyi No Di Dwuma” no a, wubehu sɛnea wɔde wo ntoboa boa wo nuanom a wɔakɔ ahokyere mu. Yɛkamfo mo sɛ moda ɔdɔ adi na muyi ntoboa de boa mo nuanom.

HWƐ VIDEO A YƐATO DIN “MO NTI YƐDA ONYANKOPƆN ASE DAA” NO. WUWIE A, BUA NSƐMMISA A EDIDI SO YI:

• Nneɛma a wɔde yɛn ntoboa yɛ no bi ne dɛn?

• Dɛn ne ɔkwan titiriw a yebetumi afa so aboa yɛn nuanom a wɔakɔ ahokyere mu?—Hwɛ asɛm a ɛwɔ jw.org so a wɔato din “Nea Ebinom Anya Aboro So No Ama Afoforo Anya Nea Wohia” no nso