Adwuma Kɛse Bi a Honhom Kronkron Boa Ma Yetumi Yɛe

Wohwɛ Onyankopɔn nkurɔfo abakɔsɛm mu a, wubehu sɛ yɛatumi ayɛ nneɛma akɛseakɛse bebree. Ɛnyɛ yɛn ankasa ahoɔden na yɛde yɛɛ saa nneɛma yi, mmom Yehowa na ɔboaa yɛn. Wei ho nhwɛso baako ne adwuma kɛse bi a Yehowa ahyehyɛde no yɛe wɔ afe 1954 mu no. Saa afe no, wɔyɛɛ video bi a yɛato din The New World Society in Action. Video no ho adwuma no, anuanom a wɔwɔ Betel a wɔnyɛɛ sini ho adwuma da na wɔyɛɛ fã kɛse no ara. Ɛnyɛ Yehowa honhom kronkron a, anka wɔbɛyɛ dɛn ayɛ adwuma kɛse saa? Saa asɛm yi hyɛ yɛn den paa. Ɛma yehu sɛ, adwuma biara a wɔde bɛhyɛ yɛn nsa no, sɛ yɛde yɛn ho to Yehowa so nko ara a, yebetumi ayɛ.—Sak 4:6.

HWƐ VIDEO A YƐATO DIN SƐNEA YƐYƐƐ “THE NEW WORLD SOCIETY IN ACTION” VIDEO NO. WUWIE A, BUA NSƐMMISA A EDIDI SO YI:

• Adɛn nti na ahyehyɛde no sii gyinae sɛ wɔbɛyɛ video bi a ɛka yɛn adwumayɛbea ti no ho asɛm?

• Ɔkwan bɛn so na video no kyerɛe sɛ Betel te sɛ nipadua?—1Ko 12:14-20

• Bere a anuanom reyɛ video no, nsɛnnennen bɛn na wohyiae, na wɔyɛɛ dɛn dii so?

• Dɛn na saa asɛm yi ma wuhu fa Yehowa honhom kronkron ho?