Tu Kɔ Baabi a Mmoa Ho Hia

Egye gyidi na woatu afi baabi a ɛhɔ agye wo akɔ baabi foforo sɛ worekɔtrɛw wo som adwuma mu. (Heb 11:8-10) Sɛ woredwen ho sɛ wubetu akɔ baabi a mmoa ho hia a, ka ho asɛm kyerɛ w’asafo mu mpanyimfo. Nanso wobɛyɛ dɛn asese ahwɛ sɛ wei yɛ botae a wubetumi adu ho, na wobɛyɛ dɛn ahu baabi a wubetu akɔ? Ɛne sɛ, nea yɛn nhoma ahorow aka afa tu a obi betu akɔ baabi a mmoa ho hia ho no, wubetumi akenkan. Afei nso wɔn a wɔatumi atu akɔboa asafo bi a ehia mmoa no, wubetumi ama wɔaka emu asɛm akyerɛ wo. (Mme 15:22) Bɔ mpae srɛ Yehowa sɛ ɔmmoa wo mma wunhu nea wobɛyɛ. (Yak 1:5) Baabi a wopɛ sɛ wutu kɔ no nso, yɛ nhwehwɛmu hwɛ sɛnea ɛhɔ te; ɛbɛyɛ yiye mpo a, kodi nna kakra wɔ hɔ ansa na woasi gyinae.

HWƐ VIDEO A YƐATO DIN FA GYIDI WURA ƆPON A ADWUMA PII WOM NO MU—TU KƆ BAABI A MMOA HO HIA. WUWIE A, BUA NSƐMMISA A EDIDI SO YI:

• Adɛn nti na na ɛyɛ den ma Gabriel sɛ obetu akɔ baabi a mmoa ho hia, nanso dɛn na ɛboaa no?