“Nea Enti a Maba Ha ne Sɛ . . .”

Sɛ afiewuranom pue behu sɛ yegyina wɔn pon ano a, ɛyɛ a wonhu yɛn nipaban ne nea enti a yɛaba wɔn nkyɛn. Ɛnde, dɛn na yɛbɛka na ama wɔn koma atɔ wɔn yam? Nea anuanom bi yɛ ne sɛ, sɛ wokyia wie a, wɔde asɛmfua “nea enti” fi wɔn asɛm ase. Sɛ nhwɛso no, wobetumi aka sɛ: “Nea enti a yɛaba wo nkyɛn ne sɛ, ɛkame ayɛ sɛ nnipa pii ani nnye sɛnea bɔne adɔɔso no ho. Wohwɛ a . . .” anaasɛ “Nea enti a maba ha ne sɛ, me ne nkurɔfo sua Bible a wontua hwee.” Sɛ wudi kan ka nea enti a woaba ofiewura no nkyɛn kyerɛ no a, ebia ɛno bɛma watie w’asɛm no.