“Nyan! Gyee Me Nkwa!”

Wɔn a wɔkyerɛw Nyan! nsa kaa krataa bi a ɛkyerɛ anisɔ fii Italy. Ne fa bi kenkan sɛ:

“Makenkan Nyan! mfirihyia 40 ni, na m’ani gye sɛnea emu nsɛm fa nneɛma pii a mfaso wɔ so no ho. Nnansa yi ara, na mewɔ adwumam na metee yaw a ano yɛ den wɔ me yafunum ne me koko. Misii gyinae sɛ mɛkɔ fie, nanso bere a yaw no san kaa ne ho bio no, mihuu nea na ɛreyɛ me no. Mekaee asɛm bi a ɛfa komayare nsɛnkyerɛnne ho a Nyan! kaa ho asɛm no pefee.a Misii gyinae sɛ mɛkɔ ayaresabea. Na meda so ara wɔ ɔdan a wɔtwɛn wɔ mu de kohu oduruyɛfo no mu na me ti tɔ kɔɔ afa na metɔɔ mum. Wɔkaa eyi kyerɛɛ me n’adekyee bere a na mewɔ ayaresabea dan a wɔde ayarefo a wɔn yare mu yɛ den gu mu no.

“Mete ase nnɛ esiane ahoɔhare a aduruyɛfo a wonim adwuma faa so saa me yare nti. Nanso, ɛsɛ sɛ mede nkamfo nso ma mo nsɛmma nhoma no a ɛde nsɛm mae na ɛboaa me ma misii gyinae a nyansa wom de kɔɔ ayaresabea no. Nyan! gyee me nkwa!”

[Ase hɔ asɛm]