Onipa Suasua Ɔbɔadeɛ no Adebɔ

Adɛn nti na bɔb a ɛyɛ hatahata no mpae bere a wopia so anaasɛ wokyim hyɛ ade a wɔde hyɛ mu no mu ma ɛsɔ no? Sɛnea nhoma, How in the World? kyerɛ no, mmuae no gyina bɔb no a “wɔayɛ no te sɛ kesua” pɛpɛɛpɛ no so. Ɛwom sɛ kesua hono yɛ hatahata de, nanso sɛ akokɔ kɔ abu a, ne mu duru no mma nkesua no mmobɔ. Eyi te saa esiane sɛ nkesua no yɛbea no ma no nya ahoɔden a ɛmma no mpaapae. (Sɛ kesua hono no mu yɛɛ duru dodo a, ebia anka ɛmma akokɔ ba no ntumi mfa n’ano mmobɔ ho mfi adi.) Wɔasuasua Ɔbɔadeɛ no adebɔ ma wɔayɛ bɔb kurukuruwa sɛnea ɛbɛyɛ a sɛ woso mu denneennen a, ahoɔden a wɔde “so mu no nkogyina faako a wɔde nsa aso no nkutoo, na mmom ebekura bɔb no baabiara.” Te sɛ kesua no, ahoɔden no nkogyina faako na ama bɔb no abɔ. Onipa asua pii afi adebɔ mu!