Yak ta cholel skʼop Dios ta nopol Monrovia (Liberia).

Te bin-utʼil ya xjuʼ xkʼopojotik sok te ants winiketik

●○○ SBABIAL BUELTA AʼIYEJ

Jojkʼoyel: ¿Yatobal xtuun kuʼuntik te bin ya yal te Bibliae?

Texto: 2Ti 3:16

Yijkʼitayel jun jojkʼoyel: ¿Bin ya yalbey skʼoplal te Biblia?

○●○ SBABIAL BUELTA ULAʼTAYWANEJ

Jojkʼoyel: ¿Bin ya yalbey skʼoplal te Biblia?

Texto: Mt 6:10

Yijkʼitayel jun jojkʼoyel: ¿Bin ya xbajtʼ spas te Wentainel yuʼun te Diose?

○○● SCHEBAL BUELTA ULAʼTAYWANEJ

Jojkʼoyel: ¿Bin ya xbajtʼ spas te Wentainel yuʼun te Diose?

Texto: Da 2:44

Yijkʼitayel jun jojkʼoyel: ¿Bin ya xbajtʼ kʼotuk ta pasel ta Balumilal ta swenta-abi?

Ta sjajchibal te u ini te Sjunal kaʼteltik ta swenta tsoblej maba ya yakʼix ta ilel oxchajp te bin-utʼil ta japel te junetik kuʼuntike. Ta ora ini ya yakʼ kiltik te bin-utʼil ya xjuʼ xkʼopojotik sok te ants winiketik ta swenta jun jojkʼoyel ta sjajchibal, jun texto yuʼun Biblia sok ta yijkʼitayel jun jojkʼoyel ta swenta yulaʼtayel te ants winike. Yame yichʼ ilel jun video ta jujun semana te ya yakʼ ta ilel bin-utʼil ya xjuʼ xkʼopojotik sok te ants winike. Te kʼalal ya scholik skʼop Dios te jcholkʼopetike jaʼme ya yilik ta jujuntul te bin junil ya stuuntes sok te bin-ora ya sjap te junetik te ay ta aʼtejibaletik te ya skoltayotik ta nojpteswaneja chikan teme ta sbabial buelta aʼiyej o ta sbabial buelta ulaʼtaywanej. Jaʼnix jich yame yichʼ alel te bintik ya skʼan pasel ta swenta te chebxan ulaʼtayele. Jichme ay ta koʼtantik-a te bin mukʼ skʼoplale: jaʼ te snojptesel «spisil te machʼatic tsahbilic te ya yichʼ scuxlejalic sbahtel qʼuinal» (Hch 13:48).

Asignasion yuʼun te estudianteetik: Te machʼa ay s-asignasion yame skʼan slokʼesbey skʼoplal te bin ya skʼases ta seccion «Te bin-utʼil ya xjuʼ xkʼopojotik sok te ants winiketik», pero teme yan-a te bitʼil ya skʼan ya yichʼ kʼasesele yame yichʼ albeyel.

a Jaʼ ini la yichʼ cholbeyel skʼoplal ta sjunal Kaʼteltik ta swenta Dios julio yuʼun 2015, pajina 3.