• Esdras 1:1, 2
    Xchʼul Kʼop Dios sventa Achʼ Balumil

    • 1 Li ta baʼyel jabil yochel ta ajvalil ta Persia li Siroe,+ tijbat yoʼonton yuʼun Jeova sventa oy kʼusi xakʼ ta aʼiel ta sjunul ti bu kʼalal sventainoje xchiʼuk laj yakʼ ta tsʼibael.+ Taje jaʼ sventa xkʼot ta pasel li kʼusi yaloj Jeova ta stojolal Jeremiase.+ Li kʼusi laj yakʼ ta aʼiel li ajvalile jaʼ liʼe:

      2 «Liʼe jaʼ jech chal li ajvalil Siro ta Persiae: ‹Li Jeova ti jaʼ Dios ta vinajele yakʼoj jventain skotol li ajvaliletik ta balumile+ xchiʼuk jaʼ yakʼoj jbain sventa jvaʼanbe jpʼejuk sna ta Jerusalen+ ti te oy ta yosilal Judae.

  • Isaias 41:25
    Xchʼul Kʼop Dios sventa Achʼ Balumil

    • 25 Oy buchʼu jvaʼanoj te to ta norte, vaʼun chtal,+

      oy buchʼu jvaʼanoj ta slokʼeb kʼakʼal+ ti tskʼupil kʼopta li jbie.

      Ta xpechʼ ta tekʼel kʼuchaʼal achʼel li ajvaliletike,*+

      jech kʼuchaʼal jpatpʼin ti tsvotsʼilan ta tekʼel li achʼel ti tʼuxul toe.

  • Isaias 45:1
    Xchʼul Kʼop Dios sventa Achʼ Balumil

    • 45 Voʼon li Jeovaune xi chkalbe li buchʼu jtʼujoje, li Siroe,+

      ti jtsakojbe lek li sbatsʼikʼobe,+

      sventa ta jchapan mukʼtik lumetik ta yeloval,+

      sventa ta jlajesbe stsatsal* li ajvaliletike,

      sventa ta jam xchaʼpechal tiʼ naetik ta yeloval

      xchiʼuk sventa mu makaluk li tiʼ naetike:

  • Isaias 46:11
    Xchʼul Kʼop Dios sventa Achʼ Balumil

    • 11 Yakal ta jtak ta ikʼel jkot aguila te to ta slokʼeb kʼakʼal,+

      yakal ta jtak ta ikʼel ta namal lum jun vinik sventa spas li kʼusi kʼotem ta nopel kuʼune.*+

      Jech kaloj xchiʼuk chkakʼ kʼotuk ta pasel.

      Jech kʼotem ta nopel kuʼun xchiʼuk jech chkakʼ kʼotuk ta pasel.+

  • Daniel 10:1
    Xchʼul Kʼop Dios sventa Achʼ Balumil

    • 10 Kʼalal yoxibal xa ox jabil yochel ta ajvalil ta Persia li Siroe,+ oy kʼusi akʼbat snaʼ li Daniel ti Beltsasar+ sbie; melel li kʼusi akʼbat snaʼe, jaʼ skʼoplal jun mukʼta paskʼop. Laj yaʼibe smelolal li kʼusi akʼbat snaʼe xchiʼuk akʼbat spʼijil sventa xaʼibe smelolal li kʼusi laj yile.