Slikeb loʼil ta xchaʼvokʼal

Li Jeovae, ¿kʼu yuʼun la slajes ta nojelal ta voʼ li krixchanoetik ta voʼnee? Yuʼun li baʼyel krixchanoetike, toj vokol laj yaʼiik spasel li kʼusitik leke. Jech kʼuchaʼal li Adan, Eva xchiʼuk li skeremik ti Kain sbie jaʼ la spasik li kʼusitik chopole. Jaʼ jutuk tajek li buchʼutik la spasik li kʼusitik leke jech kʼuchaʼal Abel xchiʼuk li Noee. Pe ta skoj ti jutuk mu skotoluk li krixchanoetik lik spasik li kʼusitik chopole, li Jeovae kʼot ta nopel yuʼun ti tslajese. Li ta jvokʼ xchanobil liʼe, ta jchantik ti chakʼ venta Jeova li kʼusitik ta jpastike xchiʼuk ta jchantik ti muʼyuk bu chakʼ ti jech-o xbat ta yoʼontonik spasel kʼusitik chopol li krixchanoetike.