Jun alel la yichʼ pasel ta voʼne sventa jchanubtasobiltik

Ti Jeovae muʼyuk ta xakʼ ti akʼo sokes Paraiso li chopol krixchanoetike. Jaʼ noʼox te chnakiik li yamikotake. ¿Kʼusi chkʼot ta pasel ta stojolik li chopol krixchanoetike? Sventa ta jnaʼtik li stakʼobile, jkʼelbetik xkuxlejal li Noe. Echʼem xa ox mil jabiletik kuxi ti Noe. Jaʼ toʼox lekil vinik ti la yakʼ yip ta spasel kʼusi tskʼan Jeovae. Pe li yantik jnaklejetik ta Balumile chopol toʼox stalelik. Jaʼ yuʼun, Jeova la yalbe Noe ti ta xichʼ tal jun nojelal ta voʼ sventa tslajes li chopol krixchanoetike. Xchiʼuk la yalbe ti akʼo spas jun arka sventa mu xcham xchiʼuk li yutsʼ yalal kʼalal mi tal li Nojelal ta voʼe (Génesis 6:9-18).

Noe xchiʼuk yutsʼ yalal la spasik li arkae. Noe la yalbe li krixchanoetik ti chtal Nojelal ta voʼ, pe muʼyuk buchʼu la yaʼibe. Muʼyuk la yiktaik ta spasel li kʼusitik chopole. Kʼalal Noe laj spas-o li arkae, la stikʼ ochel chonetik, ta tsʼakal och xchiʼuk yutsʼ yalal. Vaʼun, Jeova la yakʼ tal mukʼta tsatsal voʼ. Chaʼvinik kʼakʼal xchiʼuk chaʼvinik akʼobal la yakʼ voʼ, li voʼe la snojes li Balumile (Génesis 7:7-12).

Li chopol krixchanoetike chamik, pe li Noe xchiʼuk yutsʼ yalale ikolik. Jeova la xchabian ta Nojelal ta voʼ xchiʼuk la sbeiltas echʼel ta Balumil bu chʼabal chopolale (Génesis 7:22, 23). Li Bibliae ta xal ti chkʼot skʼakʼalil ti Jeova chchaʼ lajes li buchʼutik mu skʼan spasik li kʼusi tukʼe. Li lekil krixchanoetike muʼyuk ta xlajik. Ta xnakiik sbatel osil ta Paraiso Balumil (2 Pedro 2:5, 6, 9).

Li kʼakʼal liʼe, ep krixchanoetik tspasik kʼusitik chopol. Nojem ta kʼopetik li lume. Jeova ta stak echʼel xRextikotak jayibuk velta sventa chbat yalbeik li krixchanoetike, pe jaʼ ep ti mu skʼan xaʼibeik skʼop ti Jeovae. Mu skʼan sjel stalel xkuxlejik, xchiʼuk mu skʼanik ch-albatik yuʼun Dios li kʼusi lek xchiʼuk li kʼusi chopole. ¿Kʼusi chkʼot ta pasel ta stojolik li krixchanoetik leʼe? ¿Mi tsjel van sbaik bu kʼakʼal? Ta melel ep mu sjel sbaik. Pe, chnopaj skʼakʼalil ti chlaj li chopol krixchanoetik ta sbatel osil (Salmo 92:7).

Li Balumile mu bu chichʼ lajesel; ta xkʼataj ta jun paraiso. Li buchʼutik ta spas sbaik ta yamiko Diose ta xnakiik sbatel osil ta Paraiso li ta Balumile (Salmo 37:29).