KʼUSITIK CHICHʼ JAKʼEL TA SVENTA VIVLIA

¿Kʼu yuʼun Xnichʼon Dios yichʼoj ojtikinel li Jesuse?

Li Diose muʼyuk sbatsʼi ajnil ti oy xnichʼnab xchiʼuke. Jaʼ Jpasvanej yuʼun skotol li kʼusitik kuxajtike. Ti kʼuyelan laj yichʼik pasel li krixchanoetike xuʼ xchanbeik li stalelaltak Diose. Jaʼ yuʼun li baʼyel krixchano la spas Diose, xi chichʼ biiltasele: «Li Adane jaʼ stot li Diose». Li Jesús eke chichʼ alel ti jaʼ Xnichʼon Diose, yuʼun jech stalelaltak kʼuchaʼal li Stote. (Kʼelo Lucas 3:38; Juan 1:14, 49.)

¿Bakʼin laj yichʼ pasel li Jesuse?

Kʼalal skʼan toʼox spas Adán li Diose, la spas li Jesuse. Vaʼun jaʼ la stunes sventa spas li yan spasbentake, ti te tsakal skʼoplal li anjeletik eke. Jech oxal, li Vivliae xi chalbe skʼoplal li Jesuse: «Li jun noʼox [o baʼyel] Xnichʼon ti te onoʼox oy cʼalal muʼyuc toʼox cʼusitic oye». (Kʼelo Colosenses 1:15, 16.)

Kʼalal skʼan toʼox xvokʼ ta Belén li Jesuse te xa onoʼox oy ta vinajel kʼuchaʼal jun espiritu. Ta tsʼakale, li Jeovae la sjelubtasbe xkuxlejal Jesús ta yalajeb María sventa xvokʼ kʼuchaʼal jun krixchano. (Kʼelo Lucas 1:30-32; Juan 6:38; 8:23.)

¿Kʼu yuʼun laj yakʼ Dios ti xtal vokʼuk ta Balumil kʼuchaʼal jun krixchano li Jesuse? ¿Kʼusi abtelal tsots skʼoplal tal spas? Li stakʼobiltak taje xchiʼuk li yan sjakʼobiltake te ta jtatik ta Vivlia, taje jaʼ tskoltaot sventa xavaʼibe lek smelolal xchiʼuk ti epuk sbalil xavil li kʼusi spasoj Dios xchiʼuk Jesús ta atojolale.