KʼUSITIK CHICHʼ JAKʼEL TA SVENTA VIVLIA
¿Kʼu yuʼun toj vokol ta tael jun oʼontonal ta Balumil?
Xuʼ xichʼ tael jun oʼontonal ta balumil ti oyuk jun ajvalil ti tsjelbe kʼusi oy ta yoʼonton li krixchanoetike
Li Vivliae chalbe chib srasonal tsots skʼoplal ti kʼu yuʼun vokol ta taele. Li baʼyele, jaʼ ti mu stakʼ sventain sba stuk ti kʼuyelan laj yichʼ pasel li krixchanoetike, akʼo mi ep kʼusitik lek spasojik. Li xchibale, jaʼ ti «oyic ta scʼob pucuj scotol li yan cristianoetic liʼ ta banamile», jaʼ xkaltik, li Diabloe. Jaʼ yuʼun, akʼo mi xakʼik persa, mu xuʼ yuʼunik ti oyuk jun oʼontonal ta Balumile. (Kʼelo Jeremías 10:23; 1 Juan 5:19.)
Vokol ta tael jun oʼontonal xtok ta skoj ti jaʼ batem ta yoʼontonik spasel xchiʼuk saʼel kʼusi tskʼan stukik li krixchanoetike. Jaʼ noʼox xuʼ xichʼ tael jun oʼontonal ti oyuk jun ajvalil ti chchanubtasvan ta skʼanel kʼusi leke xchiʼuk ti oyuk ta koʼontontik yantike. (Kʼelo Isaías 32:17; 48:18, 22.)
¿Buchʼu xuʼ xichʼ tal jun oʼontonal li ta Balumile?
Li Dios ti skotol xuʼ yuʼune yaloj ti tsvaʼan jun ajvalil yoʼ sventain skotol li krixchanoetike ti jaʼ chkʼot ta xkʼexol li krixchanoetik ti ch-ajvalilajik avie (Daniel 2:44). Li Xnichʼon Dios ti jaʼ li Jesuse, J-akʼ-Jun-Oʼontonal chkʼot kʼalal chventainvane. Tslajesbe skʼoplal choplejal xchiʼuk sventa oyuk jun oʼontonale chchanubtasvan ti mu jsaʼtik kʼope. (Kʼelo Isaías 9:6, 7; 11:4, 9.)
Ta smiyonal xa noʼox krixchanoetik beiltasbilik yuʼun Jesús li avie, tstunesik Vivlia sventa chchanubtasik krixchanoetik sventa junuk yoʼontonik xchiʼuk yantik. Poʼot xa tajek xkʼot ta pasel ti oy jun oʼontonale. (Kʼelo Isaías 2:3, 4; 54:13.)