REVISTA SVENTA CHICHʼ CHANEL

Li ta xchanobil liʼe ta jkʼeltik kʼusi kʼot ta stojolal viniketik xchiʼuk antsetik ta skoj li toybail ta stojolal Dios li ta Edene. Jkʼeltik junantik skʼelobiltak ta sventa li antsetik ti la xiʼtaik Dios ta voʼnee xchiʼuk jkʼeltik kʼusi yabtel tspasik antsetik sventa xkʼot ta pasel li kʼusi tskʼan yoʼonton Dios avie.

Skotol li jcholmantaletike tskʼanik ti lekuk kʼusi xkʼot ta pasel yuʼunik kʼalal chcholik mantale. Jkʼeltik junantik kʼusitik xuʼ jpastik sventa jtunestik Vivlia kʼalal jaʼo chkiktatik komel tratadoetik sventa xkʼot ta yoʼonton kuʼuntik krixchanoetik ta sventa li skʼop Jeovae.

Li voʼotike skʼan lekuk xkil jbatik xchiʼuk li Jpasvanej kuʼuntike. Jkʼeltik kʼuxi laj yakʼ Jeova li matanal pojelale xchiʼuk ti laj yakʼ Skʼop sventa chakʼ ta ilel ti tskʼan chijnopaj ta stojolale.

Sventa xijxanav li ta sbelel melele, skʼan xkaʼitik kʼusi chalbutik li Jeovae. Jchantik kʼuxi xuʼ xkaʼitik kʼusi chalbutik Jeova akʼo mi tskʼan tsmak ta be li Satanase xchiʼuk ta skoj ti jpas mulilutike. Li xchanobil liʼe tskoltautik sventa tsotsuk skʼoplal xkiltik kʼalal lek ta jchiʼintik ta loʼil li melel Diose.