Kʼuyelan chichʼ akʼel li revistaetike

Li Jkʼel osil ta toyole Enero-marso

«Kʼuchaʼal chkiltike ep svokol li utsʼ-alaletike. Pe, ¿mi mu van masuk lek chbat xkuxlejalik xa naʼ ti xchanbeikuk li kʼusi la spas Jesús kʼuchaʼal chal teksto liʼe? [Kʼelo Mateo 20:28. Akʼo stakʼ.] Li mantal liʼe chalbe skʼoplal voʼtos kʼusitik laj yakʼ ta chanel Jesús ti xuʼ jech spasik li utsʼ-alaletike.» Akʼo iluk li mantal ta pajina 16.

¡Despertad! Fevrero

«Junantik krixchanoetike xchʼunojik ti oy jun Jpasvaneje, pe li yantike mu jechuk xchʼunojik ta skoj ti muʼyuk buchʼu yiloje xchiʼuk muʼyuk srasonal ta chʼunel chaʼiik. ¿Kʼusi cha nop voʼote? [Akʼo stakʼ.] Jech kʼuchaʼal chal Vivliae, li melel xchʼunel oʼontonale oy lek sprevailtak [kʼelo Hebreos 11:1]. Li mantal liʼe chakʼ iluk junantik sprevailtak ti oy jun Jpasvaneje.» Akʼo iluk li mantal ta pajina 22.

Li Jkʼel osil ta toyole Enero-marso

«Li avie tsots vokol tsnuptanik li nupultsʼakaletike, pe ¿kʼusi van xuʼ spasik xa naʼ sventa junuk yoʼontonik mi oy tsots xchamel o ti muʼyuk kʼusi lek stakʼ spas li malalil o ajnilale? [Kʼelo Eclesiastés 4:9, 10. Akʼo stakʼ.] Li mantal liʼe yichʼoj talel oxib mantaletik lokʼemik ta Vivlia.» Akʼo iluk li mantal ta pajina 18.

¡Despertad! Marso

«Jech kʼuchaʼal epal krixchanoetike, xuʼ van cha kʼupinbe yutsil ek li kʼusitik x-ayan liʼ ta Balumile. ¿Mi jech chavil ek ti oy kʼusitik ti toj kʼupilik sba pasbilike? [Akʼo stakʼ. Kʼelo Salmo 104:24.] Li revista liʼe chalbe skʼoplal junantik kʼusitik kuxajtik liʼ ta Balumile xchiʼuk chal kʼusi xuʼ jchantik ta sventa taje.»