Kʼuyelan chichʼ akʼel li revistaetike

Li Jkʼel osil ta toyole Avril-junio

«Epal krixchanoetik chalik ti tal la xchanubtasutik kʼuyelan chkil jvokoltik kʼalal tal ta balumil li Jesuse. ¿Mi xa naʼ ta melel li kʼusi tal yakʼ ta chanele? [Akʼo stakʼ.] Kʼelo avil li kʼusi laj yal stuk ti kʼu yuʼun tale [kʼelo Juan 18:37 ta xchaʼvokʼal]. ¿Mi cha kʼan cha naʼ mas ta sventa li melel laj yakʼ ta chanele? Li mantal liʼe chalbutik skʼoplal voʼob chanubtaseletik ti te kapal skʼoplal xchiʼuk li melel taje.» Akʼo ta ilel li mantal ta pajina 6.

¡Despertad! Avril

Kʼelo Salmo 37:9-11 xchiʼuk xi xa jakʼe: «¿Kʼu van yelan xa naʼ li kuxlejal kʼalal mi chkʼot ta pasel li kʼusi chal teksto liʼe? [Akʼo stakʼ.] Li mantal liʼe chchanbe skʼoplal li albil kʼop liʼe xchiʼuk chal kʼu yuʼun ep tajek choplejal li ta balumile». Akʼo ta ilel li mantal ta pajina 20.

Li Jkʼel osil ta toyole Avril-junio

«Oy jtsʼibajometik chalik ti Jesuse muʼyuk la icham jech kʼuchaʼal chal li Vivliae, moʼoj la, inupun la xchiʼuk laj la yil xnichʼnabtak. ¿Mi oy jech avabinoj taje? [Akʼo stakʼ.] Tsots skʼoplal ti xkojtikintik ti bu melele [kʼelo Juan 17:3]. Li mantal liʼe chalbe srasonal ti kʼu yuʼun xuʼ jchʼuntik li kʼusi chal Vivlia ta sventa Jesuse.» Akʼo ta ilel li mantal ta pajina 26.

¡Despertad! Mayo

«Ep buchʼu oy ta yoʼontonik yiktael li sikʼolajele, pe manchuk mi jech, vokol tajek chaʼiik yiktael. ¿Mi oy buchʼu xavojtikin ti tskʼan chikta komel li sikʼolajele? [Akʼo stakʼ.] Jlome ep te staojik koltael ta stojolal yutsʼ yalalik xchiʼuk ta stojolal yamigotakik [kʼelo Eclesiastés 4:12 ta sba vokʼal]. Li ta revista liʼe cha ta junantik mantal sventa xuʼ xa kolta junuk krixchano ta yiktael li sikʼolajele.»