¿Mi oy avakʼoj iluk kuxi ta akʼel chanubtasel ta Vivlia li ta sba velta vulaʼale?

Kʼalal chkalbetik mi skʼan xchʼamik junuk chanubtasel ta Vivlia li krixchanoetike, junantike chalik ti muʼyuk ta yoʼontonike o ti yakal xa chchanik Vivlia ta xchʼulnaike. Ta skoj ti tsnopik ti mu xa kʼusi xuʼ xchanik yane, muʼyuk bu tsnopik ti kʼu to yepal xuʼ xchanike xchiʼuk ti kʼu to yutsile. Jaʼ yuʼun chaʼa, mu jaʼuk noʼox xavalbe ti cha kʼan chavakʼbe chanubtasel ta Vivliae, jaʼ lek akʼbo yil jlikeluk kʼuyelan ta chanel Vivlia li ta sba velta vulaʼale. Xi jkoʼoltastike: xkoʼolaj kʼuchaʼal oy buchʼu chkalbetik ti xi jtojob lek spasel veʼlile xchiʼuk ti chkalbeik ti chi jsutal ta yan kʼakʼal sventa chkakʼbetik spas preva li kʼusi la jpastike; ¿mi mu jaʼuk lek ti te noʼox xkakʼbetik spas preva ta yoraile? Jkʼeltik kuxi ta pasel ti mu persauk jal yoraile, jaʼ te jlokʼestik li kʼusi chal ta Kabteltik sventa Dios yuʼun enero ta 2006, pajina 6:

«¿Mi chkʼot van skʼakʼalil xa naʼ ti chkʼot ta pasel li kʼusi chal liʼe? [Kʼelo Isaías 33:24, xchiʼuk akʼo stakʼ.] Ta jkʼan chkakʼbot jun vun ti toj lek chal ta sventa liʼe.» Akʼbo li livro Chchanubtasvane xchiʼuk albo ti akʼo sjam ta pajina 36 parafo 22. Kʼelo li sjakʼobil ta olone xchiʼuk albo akʼo sabe stakʼobil kʼalal yakal cha kʼel batel li parafoe. Vaʼun, chaʼkʼelo li sjakʼobile xchiʼuk aʼibo li kʼusi chale. Kʼelik yan teksto. Iktabo junuk sjakʼobil ti jaʼ to cha takʼ mi sut akʼel yan veltae. ¡Laj xa alikes jun chanubtasel ta Vivliae!