Mu xa bu chichʼ loʼiltael li teksto sventa jujun kʼakʼal li ta tsobajel sventa chol mantale

Leʼ toʼox tale, li ta tsobajel sventa chol mantale chichʼ toʼox chanbel skʼoplal jlikeluk li teksto sventa jujun kʼakʼal mi chalbe skʼoplal chol mantale. Oy xa kʼusi chjel. Mu xa bu ta jtunestik ta tsobajel sventa chol mantal li foyeto Jkʼeltik skotol kʼakʼal li sKʼop Diose. Jech kʼuchaʼaluk onoʼoxe, li buchʼu tsjelubtas tsobajele xuʼ stunes Vivlia, Kabteltik sventa Dios, livro Benefíciese, Razonamiento xchiʼuk yantik vunetik ti chalbe skʼoplal chol mantale. Li buchʼu tsjelubtas tsobajele skʼan baʼyel xchapan sba sventa jtunel li kʼusi chale o sventa xakʼ ta ilel jlikeluk kʼuyelan xuʼ spasik kʼalal ta xcholik mantal li ermanoetike. Jech kʼuchaʼal onoʼoxe, skʼan mu x-echʼ ta 10 o 15 minuto li tsobajele, mas to skʼan jlikel noʼox mi chlik jun tsobajel sventa tsobobbail ta tsʼakale.