«¿Kʼu sjalil ta jtsak li korae?»

¿Mi oy jech ajakʼobe aba junuk velta taje? Xuʼ te xa ta mantaletik li ta stsʼakleb Kabteltik sventa Dios yuʼun disiembre ta 2006, pajina 5, parafo 4 kʼalal ta 6. Xuʼ to xa ta yan mantal li bu chal: «Jvokʼ ti bu oy sjakʼobile», ti lokʼ ta Kabteltik sventa Dios yuʼun septiembre ta 2008. Ta skoj ti jelajtik ti kʼuyelan li jkuxlejaltike, muʼyuk ta xichʼ alel skotol ti kʼusitik skʼan xichʼ pasele. Jaʼ yuʼun muʼyuk me bu lek ti xakʼik yan mantaletik li moletik ta tsobobbail o yan buchʼutik ta sventa taje.

Mi oy kʼusi cha jakʼbe abaik ti muʼyuk junuk vun ti chalbe skʼoplale, xuʼ me xi sjakʼbe sbaik ta jujuntal li jcholmantaletike: «¿Mi skotol ora la jchol mantal o mi oy kʼusitik yan la jpas ti maʼuk sventa chol mantale?». Li jayib ora ta jtsaktik batel ta yalobil chol mantale, jaʼuk me sventa xi jmuyubaj yuʼun, maʼukuk me sventa jvul-o jol koʼontontik (Hech. 23:1). Melel onoʼox ti maʼuk tsots skʼoplal ti kʼuyepal ta jtsaktik li koratike, jaʼ tsots skʼoplal ti kʼuyelan chi j-abtej ta chol mantale (Heb. 6:11).