Jun-chib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun julioe

«Jkotoltik oy van chamem kutsʼ kalaltik o kamigotik. ¿Mi oy to van spatobil koʼontontik sventa xkiltik yan velta? [Akʼo stakʼ.] Ta jkʼan chkakʼbot avil ti oy kʼusi tspat koʼontontike.» Kʼelbo xchiʼuk albo skʼoplal li mantal ta baʼyel subtitulo ta pajina 16 li ta revista Li Jkʼel osil ta toyole sventa julio-septiembre xchiʼuk kʼelo junuk li tekstoe, vaʼun albo skʼoplal. Akʼbo li revistae vaʼun albo ti cha sut yan velta sventa cha takʼbe li yan sjakʼobile.

Li Jkʼel osil ta toyole Julio-septiembre

«Jutuk mu jkotoltikuk ti vokol tajek chi jlokʼ-o jujun u li jtakʼintike, pe oy krixchanoetike muʼyuk yuʼunik li kʼusi mas chtun yuʼunik ta jujun kʼakʼale. ¿Mi chkʼot van skʼakʼalil xa naʼ ti muʼyuk xa li povreale? [Akʼo stakʼ. Vaʼun kʼelbo Salmo 9:18.] Li revista liʼe, chalbe skʼoplal kʼusi srasonal ti oy li povreale xchiʼuk chakʼ ta ilel kʼusi chal Vivlia ta sventa kʼuxi chchapaj ta melel taje.»

¡Despertad! Julio

Albo skʼoplal mi oy kʼusi kʼotem ta pasel ti laj avil ta notisiae, vaʼun xi xa jakʼe: «¿Kʼu yuʼun xa naʼ ti yakʼoj to Dios ti akʼo jechuk xkʼot ta jtojolaltike? [Akʼo stakʼ.] Li Vivliae chal ti chkʼuxubaj ta yoʼonton Dios li buchʼutik chil svokolike [kʼelo Éxodo 3:7]. Li Vivliae xtoke chal kʼu yuʼun ti yakʼoj to oyuk li vokolile xchiʼuk chal ti poʼot xa xakʼbe slajeb skotole. Li revista liʼe chalbe smelolal kʼuxi tspas».