Kalbetik srasonal kʼu yuʼun te oyutik

Kʼalal tsjam stiʼ sna xchiʼuk chilutik ti te vaʼalutik li yajval nae ta sjakʼbe sba buchʼuutik xchiʼuk kʼusi ta jpastik te. ¿Kʼusi van xuʼ xkaltik ta slikeb jloʼiltik sventa jun yoʼonton xaʼi sbaike? Kʼalal mi laj xaʼox kalbetik «liʼote», junantik jcholmantaletike chalik ti kʼu yuʼun te oyike. Xuʼ van xi chalike: «Yakalunkutik ta svulaʼanel li alakʼnatake ta skoj ti ta svul-o yoʼontonik li milbaile. ¿Kʼusi chanop ta sventa taje?» o xi chalik xtoke: «Ti liʼ oyunkutike jaʼ ta skoj ti ta xkakʼkutik chanubtasel ta Vivlia ta motone». Mi ta slikebal noʼox ta xkalbetik ti kʼu yuʼun te oyutik li krixchanoe xuʼ van mas oy ta yoʼonton chchikintabutik li kʼusi ta xkalbetike.