Lekubuk batel mas ti kʼu yelan xijtojob ta cholmantale: jchapantik lek li slikeb jloʼiltike
Kʼu yuʼun tsots skʼoplal. Mi muʼyuk tstij oʼontonal li slikeb jloʼiltike, xuʼ me xtuchʼ ta be ta anil jloʼiltik li buchʼu chchikintabutik kʼalal muʼyuk toʼox jcholbetik mantale. Jaʼ yuʼun oy ep jcholmantaletik chalik ti tsots skʼoplal ti tstijuk oʼontonal li slikeb jloʼiltike. Akʼo mi oy yichʼoj tal skʼelobil cholmantal li Kabteltik sventa Dios[e] xchiʼuk ta livro Razonamiento, pe muʼyuk chal skotol li kʼusi xuʼ jlikes-o jloʼiltike, jaʼ yuʼun xuʼ jeltik li kʼusi chale. Akʼo mi yichʼoj tal skotol li kʼusi xuʼ jlikes-o jloʼiltike, pe li jcholmantaletike xuʼ sjelik o xuʼ jaʼ stunesik li kʼusi xchapanojike. Mas me jnatik lek kʼusi chkaltik mi baʼyel ta jchapan slikeb jloʼiltike, pe mi jaʼ to ta jnoptik ta anil kʼusi chkaltik kʼalal mi la sjam stiʼ snaʼ li krixchanoe xuʼ mas vokol (Prov. 15:28).
Paso jech sjunul u liʼe:
Li ta yichʼel ta mukʼ Jeova ta kutsʼ kalaltike jchʼakbetik yorail yoʼ jchapan slikeb jloʼiltik sventa cholmantal xchiʼuk kakʼtik ta ilel kʼuxi ta pasel li kʼusi la jchapantike.
Kʼalal oy buchʼu chachiʼin ta cholmantale albo kʼusi slikeb aloʼil anopoj chatunes (Prov. 27:17). Mi la avakʼ venta ti muʼyuk sbalil li slikeb aloʼile, saʼo yan.